Meirilutastjórn skipað í Noregi

Meirilutastjórn skipað í Noregi
Kristiligi fólkaflokkurin er komin upp í stjórnina, sum hevur meiriluta í stórtinginum.
Erna Solberg, forsætisráðharri í Norra.
 
18.01.2019 - 09:48

Meirilutastjórn er skipað í Noregi.

Síðani seinasta stórtingsval hava Høgri, Famburðsflokkurin og Vinstri havt stjórnarvaldið, men nú er Kristiligi fólkaflokkurin eisini komin upp í stjórnina, sum hevur meiriluta í stórtinginum.

- Allir fýra flokkar hava góðkent samgonguskjalið. Hetta er ein søguligur dagur, segði Erna Solberg, forsætisráðharri, á tíðindafundi í gjárkvøldið.

Formaðurin í Kristiliga fólkaflokkinum, Knut Arild Hareide, hevur alla tíðina verið ímóti, at flokkurin skuldi fara upp í stjórnina hjá Ernu Solberg, forsætisráðharra, og í gjárkvøldið tók hann avleiðingarnar og legði frá sær.

Spurningurin, um farast skuldi upp í borgarligu stjórnina, hevur syndrað Kristiliga fólkaflokkin, og norska tíðindastovan, NTB, veit at siga, at 19 atkvøður vóru fyri og 17 ímóti, tá floksleiðslan atkvøddi um málið.

Hareide hevur serliga funnist at leiklutinum hjá Framburðsflokkinum í stjórnini. 

Hann hevur mælt til, at flokkurin í staðin skuldi skipað stjórn saman við Arbeiðaraflokkinum.

Hetta er fyrstu ferð síðani 1985, at borgarligu flokkarnir í Noregi hava skipað meirilutastjórn. 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585