Spreinging í Meksiko kravt 21 mannalív

19.01.2019 - 11:21
AktueltÚtheimurin
Spreinging í Meksiko kravt 21 mannalív
21 fólk eru deyð, og fleiri enn 70 fólk eru særd, eftir at eldur kom í eina oljurørleiðing í meksikanska býnum Tlahuelilpan
 

Ein spreinging í einari oljurørleiðing í meksikanska býnum Tlahuelilpan seint í gjárkvøldið hevur kravt í øllum 21 mannalív. Harumframt eru fleiri enn 70 fólk álvarsliga særd av brestinum. Tað skrivar altjóða miðlar.

Sambært meksikanskum myndugleikum vóru tað oljutjóvar, sum settu hola á oljurørleiðingina, og hetta er eftir øllum at døma orsøkin til spreinginina. 

Myndir frá staðnum vísa, at fólk samlaðust við rørleiðingina fyri at fylla íløt við olju, sum rann frá rørleiðingini. Stutt eftir kom eldur í rørleiðingina, og fleiri av fólkunum vórðu álvarsliga brend. 

Oljustuldur er eitt alsamt vaksandi fyribrigdi í Meksiko, og tað kostar landinum góðar 3 milliardir dollarar í mistum vinningini, skrivar BBC.com.

Sambært danska kringvarpinum varð eldurin sløktur tíðliga í morgun.

folk_samlast_vid_oljurorleidingina.jpg

Caption: 
Fólk samlast við oljurørleiðingina fyri at fylla íløt við olju. Mynd: SOCIAL MEDIA © Scanpix

eldur og soldátur meksiko

Caption: 
Mynd: OASA © Scanpix

hermenn vogta eldin í hidalgo

Caption: 
Hermenn vaka yvir eldin. Mynd: handout © Scanpix
 
Nýggjastu sendingar í ÚV
Fríggjadag 20. september
TEMPO úr dvala
98968
Fríggjadag 20. september
Pressan: Jenis av Rana og Kringvarpið
98960
Fríggjadag 20. september
Morgunlesturin fríggjamorgunin 20. september 2019
98627
Hósdag 19. september
Nón - 19. september 2019
98928
Hósdag 19. september
Mono: Filmstónar - Snjóhvíta
98917
Nýggjastu sendingar í SV
Mánadag 16. september
Móttøka í Tinganesi
98789
Mánadag 16. september
3-2
98799
Sunnudag 15. september
Guðstænasta úr Kollafjarða kirkju
98752
Sunnudag 15. september
Andakt við Randi Froyseth
98749
Fríggjadag 13. september
Kaj Klein konsert í Maggies
98618