Í uttanlandsnevndina við fríhandilssáttmála

Í uttanlandsnevndina við fríhandilssáttmála
Mikudagin fer Poul Michelsen, landsstýrismaður, í uttanlandsnevndina við fríhandilssáttmálanum millum Føroyar, Bretland og Norðurírland.
Poul Michelsen, landsstýrismaður
Mynd: savnsmynd  
 
20.01.2019 - 13:26

Poul Michelsen, landsstýrismaður í uttanríkis- og vinnumálum, fer mikudagin at ráðføra seg við uttanlandsnevndina um fríhandilssáttmálan millum Føroyar, Bretland og Norðurírland.

Bretland og Føroyar fara seinni í hesum mánaðinum at skriva undir fríhandilssáttmála millum londini.

Sáttmálin ber í sær, at samhandilin við Bretland kann at kalla ótarnaður av Brexit halda fram, tá landið fer úr ES, sigur Poul Michelsen.

Sáttmálin tekur støði í verandi sáttmála við ES, har handilsviðurskiftini millum Bretland og Føroyar higartil hava verið skipað.

Vilja tryggja føroysk áhugamál

Dentur hevur verið lagdur á at tryggja føroysk áhugmál í sambandi við, at Bretland fer úr ES.

Beint eftir fólkaatkvøðuna í Bretlandi í juni 2016 um Brexit varð ein arbeiðsbólkur settur, og tveir bretskir ráðharrar hava vitjað í Føroyum. 

Landsstýrismenninir í uttanríkis- og vinnumálum og fiskivinnumálum hava eisini vitjað starvsfelagar sínar í London til tess at umrøða, hvussu Føroyar og Bretland kunnu skipa sínámillum viðurskiftini eftir Brexit.   

Bretland er millum tey lond, sum Føroyar útflyta mest til.

Í 2016 var útflutningurin 850 milliónir krónur, og í fjør var hann 770 milliónir.

Innflutningurin úr Bretlandi seinastu tvey árini hevur verið ávikavist 169 og 284 milliónir kr.


 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585