Verjuskipið Thetis leiðir serliga flotaeind í NATO

20.01.2019 - 15:41
AktueltÚtheimurin
Verjuskipið Thetis leiðir serliga flotaeind í NATO
Hetta árið fer Thetis at hava leiðsluna í aðrari av tveimum flotaeindum hjá NATO, sum m.a. rudda burtur gamlar minur.
Mynd: © savnsmynd  
 

Danska verjuskipið Thetis skal í ár hava leiðsluna í eini flotaeind hjá NATO, sum altíð er til reiðar at fremja tiltøk, um kríggj brestur á, og minur verða lagdar út.

Tvær flotaeindir hava uppgávuna, og Thetis hevur í ár leiðsluna av aðrari, skrivar Ritzau.

Tíggju verjuskip sigla fyri verjusamgonguna NATO við tí endamáli at vera til reiðar at rudda burtur minur, um brúk er fyri tí.

Skal eisini taka gamlar minur upp

Uppgávan er eisini at taka upp gamlar minur frá fyrra og seinna heimsbardaga. Túsundtals minur eru, sum annaðhvørt reka ella liggja á botni, sigur danski ovastin í serligu flotaeindini, Petur Krogh.

Í Eystrasalti, Skagerrak og Norðsjónum koma gamlar minur stundum í trolini, tá fiskað verður, og tað er millum annað uppgávan hjá hesum báðum flotaeindunum at taka ímóti minunum og beina fyri teimum.

Thetis plagar annars at skiftast við onnur donsk verjuskip um at verða á varðhaldi undir Føroyum og Grønlandi.

 

 
Nýggjastu sendingar í ÚV
Týsdag 28. januar
Kann TB blíva ein nýggjur "fimmari"?
103992
Mánadag 27. januar
Ísrael, landið og fólkið
103928
Mánadag 27. januar
Við Tóri á túri á Glasi - fyrri partur
103958
Mánadag 27. januar
Norðurljóð 27.januar 2020
103940
Nýggjastu sendingar í SV
Týsdag 28. januar
Andaktin
103993
Mánadag 27. januar
3-2
103969
Fríggjadag 24. januar
Hyggjuráðið
103852
Hósdag 23. januar
Sí stuttfilmin: "Ikki illa meint"
103763