Koyringin hjá Bygdaleiðum bjóðast út

22.01.2019 - 13:58
AktueltSamfelag
Koyringin hjá Bygdaleiðum bjóðast út
Strandferðslan bjóðar nú uppgávuna, at røkja innanoyggja ferðasambandið við bussum, út fyri tey næstu sjey árini
Koyringin hjá Bygdaleiðum verður nú aftur bjóðað út alment. Tilsamans 19 farleiðir eru í útbjóðingartilfarinum hjá Strandferðsluni
 

Koyringin hjá Bygdaleiðum verður nú aftur bjóðað út alment. Strandfaraskip Landsins bjóðar nú uppgávuna, at røkja innanoyggja ferðasambandið við bussum, út fyri tey næstu árini.

Fyrr hevur Strandferðslan gjørt avtalu við veitarar í fimm ár, men í nýggja útbjóðingartilfarinum skal sáttmáli gerast um koyringina hjá Bygdaleiðum í sjey ár. Hetta er treytað av, at heimild fæst fyri tí í løgtingslóg.

Tað eru eisini aðrar broytingar í nýggja útbjóðingartilfarinum. Í framtíðini skulu allir bussar hjá Bygdaleiðum eftir eina skiftistíð taka koyristólar. Ferðandi skulu eisini kunna síggja, hvar bussarnir hjá Bygdaleiðum eru.

Tilsamans 19 farleiðir eru í útbjóðingartilfarinum hjá Strandferðsluni. 45,6 milliónir krónur eru settar av um árið til at røkja koyringina hjá Bygdaleiðum fyri, sambært Fíggjarlógini. Freistin, at bjóða uppá koyringina, er 1. mars á middegi.

 
Nýggjastu sendingar í ÚV
Leygardag 28. mars
Álopið á St. Nazaire
106652
Leygardag 28. mars
Jambalaja 280320
106908
Leygardag 28. mars
Sendingin 270320
106906
Leygardag 28. mars
Morgunlesturin leygardagurin 28. mars 2020
106087
Nýggjastu sendingar í SV
Fríggjadag 27. mars
Studio71 - 5 dokumentarar
106848
Hósdag 26. mars
Korona konsert við Bárði á Lakjuni
106790
Hósdag 26. mars
Norrøna
106783
Mikudag 25. mars
Savnsgull: Ymisk lív
57217
Mikudag 25. mars
Studio71 - 5 feitir filmar
106672