Fíggjarkreppa fær Trump at útseta røðu

Fíggjarkreppa fær Trump at útseta røðu
Donald Trump, forseti í USA, fer at útseta siðbundnu State of the Union-røðuna, sum amerikanski forsetin á hvørjum ári heldur fyri tjóðini
Árliga, siðbundna State of the Union-røðan hjá amerikanska forsetanum fer at verða hildin, tá fíggjarkreppan í USA er av
 
24.01.2019 - 06:46

Árliga røðan um støðuna í USA fer at verða hildin, tá tann aktuella fríggjarkreppan í USA er av. Tað skrivaði Trump í einum boðum á sosiala miðlinum, Twitter, í gjárkvøldið.

Røðan skuldi verða týsdagin í næstu viku - 29. januar - í Umboðsmannatinginum, men forkvinnan í lóggevandi tinginum, Nancy Pelosi steðgaði hesum.

Í einum opnum brævi skrivar hon, at Demokratarnir, ið hava meiriluta í Umboðsmannatinginum, ikki fara at samtykkja neyðugu, formligu loyvini, skrivar tíðindastovan Ritzau.

Greinin heldur fram niðanfyri

 

 

Partur av ríkisfyrisitingini í USA er stongd 33. dagin á rað, tí teir báðir stóru flokkarnir, ið hava meirilutan í hvør sínari tingdeild, ikki kunnu semjast um fíggjarætlanina fyri 2019.

Forkvinnan í lóggevandi tinginum, Nancy Pelosi, sigur, at Trump kann halda røðuna tá ríkisfyrisitingin í landinum aftur er virkin, sum hon plagar.

Senatið fer í dag væntandi at atkvøða um eitt nýtt fíggjarlógaruppskot. Hóast uppskotið vinnur frama, verður tað ikki mett at vera sannlíkt, at fíggjarlógaruppskotið sleppur ígjøgnum til Umboðsmannatingið.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585