Fleiri fólk deyð eftir mótmælisgongur

Fleiri fólk deyð eftir mótmælisgongur
Avgerðin um, at Venesuela skal kvetta øll diplomatisk sambond við USA, hevur kravt fleiri mannalív
Mótmælisgongur í Venesuela hava higartil kravt fleiri lív eftir at forsetin hevur útvíst diplomatarnar, USA hevur í landinum koma í kjalarvørrinum á, at forsetin í landinum, Nicolas Maduro, gav diplomatunum hjá USA 72 tímar at fara úr Venesuela
Mynd: AP  
 
25.01.2019 - 07:06

Fleiri fólk eru deyð eftir fleiri mótmælisgongur í Venesuela hesa vikuna. Mótmælisgongurnar koma eftir at forsetin í landinum, Nicolas Maduro, gav diplomatunum hjá USA 72 tímar at fara úr Venesuela.

Avgerðin, um at diplomatisku sambondini skulu kvettast, kemur eftir at andstøðuleiðarin, Juan Guaidó, hevur sagt, at forsetin Maduro er rikin frá valdinum, og andstøðuleiðarin útnevndi seg sjálvan sum fyribils forseta.

Andstøðuleiðarin, Juan Guaidó, sigur, at hann umhugsar at geva forsetanum Nicolas Maduro grið, um hann ger sítt til, at Venesuela aftur verður eitt fólkaræði, skrivar tíðindastovan AFP.

USA sýtir at fylgja kravboðum

Forsetin í Venesuela, Nicolas Maduro, hevur higartil ikki víst tekin um, at hann ætlar at lata maktina frá sær, og hann tvíheldur um, at fólkið í Venesuela hevur valt seg.

USA sýtir fyri at fylgja boðunum hjá Nicolas Maduro um at kvetta øll diplomatisk sambond við Venesuela. USA hevur av trygdarávum sent tey flestu embætisfólkini heim, og bara nøkur fá eru eftir, so sendistovurnar kunnu vera opnar hóast støðuna.

Russiski forsetin, Vladimir Putin, sigur, at hann stuðlar forsetanum, Nicolas Maduro, upplýsir Kreml. Tað hendir eftir at fleiri onnur lond, teirra millum USA, hava víst sín stuðul til andstøðuleiðaran, Juan Guaidó, sum í gjár útnevndi seg sjálvan sum forseta.

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584