Veðurlagsósemja í ST

29.01.2019 - 09:14
AktueltÚtheimurin
Veðurlagsósemja í ST
Semja er ikki millum limalondini í ST-trygdarráðnum um eina felags støðu til veðurlagsbroytingarnar
 

USA og Russland eru ímóti, at trygdarráðið skal hava eini felags boð um veðurlagsbroytingarnar.

ST-aðalskrivarin, António Guterres, kravdi á búskaparfundinum í Davos í farnu viku, at heimsins lond gera meira til tess at verja heimin fyri veðurlagsbroytingunum. 

Hann segði, at veðurlagsbroytingarnar eru størsta hóttanin ímóti heimsbúskapinum.

Russiski sendiharrin, Vassilij Nebenzia, boðaði alt fyri eitt frá, at Russland er ímóti at umrøða veðurlagsmál í trygdarráðnum, tí verðurlagsmál eru ikki hóttan ímóti heimsfriðinum og trygdini í heiminum.

Umboð fyri 80 lond tóku orðið á fundinum í trygdarráðnum, og øll uttan USA søgdu, at veðurlagsbroytingar henda.

Virkandi amerikanski ST-sendiharrin, Jonathan Cohen, nevndi als ikki veðurlagsbroytingarnar.

Hóast russiski ST-sendiharrin segði, at veðurlagsbroytingarnar eru ein veruleiki, so metti hann, at veðurlagsbroytingarnar eiga at umrøðast aðrastaðni enn í trygdarráðnum.

Amerikanski ST-sendiharrin tosaði um náttúruvanlukkur og ódnir, men nevndi ikki veðurlagsbroytingarnar.

Uttanríkisráðharrin á Maldivunum, Abdullah Shahid, tosaði um stóru avbjóðingarnar av veðurlagsbroytingunum, og hvørja ávirkan tær kunnu hava á heimsfriðin. 

Hann segði bart út, at eingin størri hóttan er enn veðurlagsbroytingarnar, sum í stóran mun hótta Maldivurnar sum land.

 
Nýggjastu sendingar í ÚV
Leygardag 19. september
Morgunlestur leygardagur 19. september 2020
113244
Fríggjadag 18. september
Nón 18. september 2020
113633
Fríggjadag 18. september
UFO Kjallarin og UFO Renaissance'an - 9
113579
Fríggjadag 18. september
Skriðulopið í Klaksvík
113616
Nýggjastu sendingar í SV
Mánadag 14. september
3-2
113470
Sunnudag 13. september
Andakt við Hallgerð Akurstein
113407
Sunnudag 13. september
Guðstænasta úr Gøtu kirkju
113403
Mánadag 7. september
3-2
113184
Mánadag 7. september
3-2
113186