Selja lán í staðin fyri at læna

30.01.2019 - 08:10
AktueltPengar
Selja lán í staðin fyri at læna
Húsalánsgrunnurin kann útvega sær størri gjaldføri við at selja verandi útlán hjá grunninum, siga arbeiðsgevarar
Bústaðir skulu hava loyvi til at læna 250 milliónir krónur.
 

Húsalánsgrunnurin kann útvega sær størri gjaldføri við at selja verandi útlán hjá grunninum.

Hetta hevði eisini minkað nakað um tørvin á at læna pengar til virksemið.

Tað heldur Arbeiðsgevarafelagið, sum hevur skrivað hoyringarskriv um lógaruppskotið hjá Fíggjarmálaráðnum um at geva Húsalánsgrunninum, ella Bústøðum, loyvi til at selja lánsbrøv fyri 250 milliónir krónur, tað er at læna 250 milliónir. 

Arbeiðsgevarafelagið sigur, at sera stórt íløguvirksemi er í landinum, og at hetta lógaruppskotið leggur enn størri part av íløguvirkseminum uttanfyri fíggjarlógina.

Tað almenna eigur at gera íløgur, tá ferðin á búskapinum er lítil, heldur enn nú í hægsta hákonjunkturi, sigur Arbeiðsgevarafelagið.

Eisini undrar tað felagið, at Húsalánsgrunnurin bara kann selja íleggjarum í Føroyum lánsbrøv.

Tað skilabesta er, sigur Arbeiðsgevarafelagið, at útvega sær ta bíligastu fíggingina.
 

 
Nýggjastu sendingar í ÚV
Mikudag 26. februar
Nón 26. februar 2020
105314
Mikudag 26. februar
Áðrenn Elvis: Morgun
105332
Nýggjastu sendingar í SV
Mikudag 26. februar
Úr savninum: Ymisk lív
105296
Mánadag 24. februar
Upp á gólv - í Skálanum
105214
Mánadag 24. februar
3-2
105221
Sunnudag 23. februar
Andakt við Carsten Fonsdal Mikkelsen
105169
Sunnudag 23. februar
Guðstænasta í Miðvágs kirkju
105167