Vilja hava kvinnur at døma fótbólt

07.02.2019 - 10:45
ÍtrótturFótbóltur
Vilja hava kvinnur at døma fótbólt
Í løtuni er bara ein kvinna tøk at døma fótbólt. FSF vil hava fleiri
 
 

Fótbóltssamband Føroya vil hava fleiri kvinnur at døma fótbólt.

Lassin Isaksen, dómaraleiðari í FSF, sigur, at í løtuni eru umleið 100 menn tøkir at døma dystir, men bara ein kvinna er tøk við floytuni til teir mongu dystirnar.

Hetta er orsøkin til, at FSF nú lýsir eftir kvinnuligum dómarum undir yvirskriftini: Eingin dómari, eingin dystur

- Vit vilja fyrst og fremst hava fleiri fólk at døma, og tølini siga, at áhugin er har millum mannfólk, men at vit hava ov fáar kvinnur, sigur Lassin Isaksen.

Hann sigur, at tað er eisini eitt ynski frá UEFA, at kvinnur skulu døma í kvinnukappingunum.

- Vit vilja hava fleiri kvinnur at døma kvinnukappingina, men tá tað er sagt, so er tað als ikki so, at tær ikki eisini kunnu døma menn, og at menn ikki kunnu døma kvinnur, sigur Lassin Isaksen.

Í fyrstu atløgu vónar dómaraleiðarin hjá FSF, at tað fer at eydnast at skaffa tólv kvinnuligar dómarar.

Møguliga politiskt ókorrekt

Lassin Isaksen, dómaraleiðari, viðgongur, at tað møguliga er politiskt ókorrekt at bara at lýsa eftir kvinnum til hetta frítíðarstarvið.

- Tað er tað møguliga, men tað er heldur ikki so, at vit ikki ynskja fleiri menn at døma. Hetta skal síggjast sum eitt átak fyri at fáa fleiri kvinnur at taka lut í hesum partinum av føroyskum fótbólti.

Tað hevur ikki eydnast Kringvarpinum at fáa eina viðmerking frá Javnstøðunevndini.

Eingin kvinna hevur søkt

Lýsingin kom út í gjárkvøldi. Enn hevur eingin kvinna gjørt vart við seg, men nakrir menn, sum vilja royna seg í dómarabúnanum, hava vent sær til FSF, hóast lýsingin er vend móti kvinnum.

 

 

 

 

 

 

 

Nýggjastu sendingar í ÚV
Týsdag 19. februar
Morgunlestur týsdagur 19. februar 2019
90856
Mánadag 18. februar
Norðurljóð 18.februar 2019
91366
Mánadag 18. februar
Góðan morgun Føroyar 140219
91339
Mánadag 18. februar
Morgunlestur mánadagur 18. februar 2019
90855
Nýggjastu sendingar í SV
Mánadag 18. februar
AdAdam & Eva (3:8)
91271
Mánadag 18. februar
Kotan til kærleika (5:8)
90505
Mánadag 18. februar
Petra skal eiga (1:8)
91267
Mánadag 18. februar
Superheilar - Peter Lund Madsen (3:3)
91264
Mánadag 18. februar
3-2
91375