DNO setti met í fjør

10.02.2019 - 15:02
AktueltVinna
DNO setti met í fjør
Norska oljufelagið, DNO, sum herfyri tiltuskaði sær føroyska oljufelagið, Faroe Petroleum, hevði metgott ár í fjør
DNO eigur nú Faroe Petroleum.
 

Norska oljufelagið, DNO, sum herfyri tiltuskaði sær føroyska oljufelagið, Faroe Petroleum, hevði metgott ár í fjør.

Úrslitið var nakað omanfyri 3 milliardir norskar krónur, og rakstrarinntøkurnar vóru omanfyri 7 milliardir kr.

DNO heldur fram við virkseminum í norskum øki, og tað var m.a. orsøkin til, at felagið keypti Faroe Petroleum. Felagið hevur eisini virksemi í øðrum londum, m.a. í Kurdistan, har felagið ætlar at bora 14 brunnar.

Felagið hevur eisini ætlanir um at bora fimm brunnar í norskum øki í ár.

DNO ætlar at gera íløgur í ár fyri umleið 3,5 milliardir norskar kr.

Tá úrslitið varð almannakunngjørt, segði nevndarformaðurin í felagnum, at tað var bíligari fyri felagið at keypa Faroe Petroleum, enn at keypa seg uppí leitiøkir í norskum øki. Faroe Petroleum var frammanundan við í oljuleiting í fleiri økjum í Noreg.

 
Nýggjastu sendingar í ÚV
Hósdag 25. apríl
Morgunlestur hósdagur 25. apríl 2019
93371
Mikudag 24. apríl
Nón - MentanarMikudagur 24.04.2019
93819
Mikudag 24. apríl
Mono: New York & East Coast Hip Hop
93810
Mikudag 24. apríl
Ítróttasamband í 80 ár
93804
Nýggjastu sendingar í SV
Hósdag 25. apríl
Sí sendingina: »Sjá, tú blánar«
16309
Hósdag 25. apríl
Fyrsta FM finalan KYNDIL - VÍF, kvinnur
93821
Mikudag 24. apríl
Minnist tú enn? (7:13)
19777
Mikudag 24. apríl
25 minuttir: Andrias Høgenni
93252