Tíggjundi hvør fiskur fer aftur í havið sigur FAO

10.02.2019 - 13:43
AktueltVinna
Tíggjundi hvør fiskur fer aftur í havið sigur FAO
FAO, matvøru- og landbúnaðarstovnurin hjá ST, hevur fyri triðju ferð gjørt eina frágreiðing um útblaking 
Nógvur fiskur fer aftur í havið, sigur FAO.
Mynd: © EPA  
 

Tíggjundi hvør fiskaður fiskur fer aftur í havið.

Tað sigur FAO, sum er matvøru- og landbúnaðarstovnurin hjá ST.

FAO hevur fyri triðju ferð gjørt eina frágreiðing um útblaking. 

Tann nýggjasta frágreiðingin er fyri árini 2010 til 2014.

FAO sigur, at kanska er útblakingin minkað seinastu árini.

Yvir níggju milliónir tons

Men tey árini, sum FAO nú hevur kannað, eru 9,1 millión tons av fiski farin aftur í havið um árið.

Hetta er ein tíggjundi partur av tí, sum er fiskað um árið hesi árini.  

FAO staðfestir, at 46 prosent, 4,2 milliónir tons, stava frá trolum.

Eisini onnur djór

Í fyrstu kanningini hjá FAO, hon varð gjørd í 1995, varð niðustøðan tann, at millum 17,9 og 39,5 milliónir tons fóru aftur í havið. Mne tá var annar kanningarháttur enn nú brúktur. 

Nú verða almenn tøl og tøl, sum FAO fær frá londunum, brúkt til at staðfesta útblakingina.

Útblakingin er størst í útnyrðingspartinum í Kyrrahavinum og landnyrðingspartinum í Atlantshavinum, har sum Føroyar fiska.

FAO sigur eisini, at ein millión sjófuglar, 8,5 milliónir skjaldbøkur, 225.000 sjóslangur, 650.000 súgdjór og tíggju milliónir hávar um árið eru veidd og síðani tveitt aftur í havið. 

Frágreiðingin sigur ikki, um fiskurin og djórini eru livandi ella deyð, tá tey fara aftur í havið.


 

 
Nýggjastu sendingar í ÚV
Hósdag 25. apríl
Morgunlestur hósdagur 25. apríl 2019
93371
Mikudag 24. apríl
Nón - MentanarMikudagur 24.04.2019
93819
Mikudag 24. apríl
Mono: New York & East Coast Hip Hop
93810
Mikudag 24. apríl
Ítróttasamband í 80 ár
93804
Nýggjastu sendingar í SV
Hósdag 25. apríl
Sí sendingina: »Sjá, tú blánar«
16309
Hósdag 25. apríl
Fyrsta FM finalan KYNDIL - VÍF, kvinnur
93821
Mikudag 24. apríl
Minnist tú enn? (7:13)
19777
Mikudag 24. apríl
25 minuttir: Andrias Høgenni
93252