Merkel: Islamskur statur er ikki niðurbardur

11.02.2019 - 09:50
AktueltÚtheimurin
Merkel: Islamskur statur er ikki niðurbardur
Yvirgangsfelagsskapurin, IS, er als ikki niðurbardur, men umskapast nú til eina asymmetriska krígsmegi, eftir at IS hevur mist fótafestið í Sýria
Yvirvøka av IS er ein av fremstu raðfestingunum hjá týsku uttanríkis-fregnartænastuni, BND, sigur Angela Merkel, týskur samveldiskanslari
 

Hendan ávaringin kemur frá týska samveldiskanslaranum, Angelu Merkel, skrivar AFP og Reuters. Hennara útsøgn er beint øvugt av fráboðanini hjá amerikanska forsetanum, Donald Trump, sum hevur sagt, at IS hevur tapt og er niðurbart.

- Lukkutíð hevur tað eydnast at reka sokallaða Islamska statin úr sínum landaøkjum, men tíverri merkir tað ikki, at IS-felagsskapurin er horvin.

IS umskapar seg til eina asymmetriska krígsmegi, og hetta er sjálvandi ein hóttan, sigur Angela Merkel og leggur afturat, at "vit eru langt burtur frá friði í Sýria."

USA fer at taka síni herfólk úr Sýria

Týski samveldiskanslarin sigur, at yvirvøka av IS er ein av fremstu raðfestingunum hjá týsku uttanríkis-fregnartænastuni, BND.

Í desember tweetaði Donald Trump, at IS var "niðurbart", og seinni boðaði forsetin frá, at USA fer at taka øll síni 2000 herfólk úr Sýria síðst í apríl mánaði. Hendan fráboðanin loypti ótta á fleiri europeiskar stjórnir, sum stúra fyri, at IS við afturtøkuni nú skal reisa seg aftur.

Í eini røðu í amerikanska Uttanríkisráðnum í síðstu viku segði Donald Trump, at amerikansku og kurdisku herdeildirnar í hesi vikuni - formliga - eiga at kunngera, at "kalifatið" nú er søga, skrivar Reuters.

 
Nýggjastu sendingar í ÚV
Sunnudag 9. august
Frá stríðsárunum (6:15)
110846
Sunnudag 9. august
Guðstænasta í Christianskirkjuni
112120
Leygardag 8. august
Heiðraðir á vegamóti
111547
Leygardag 8. august
Føroyingar álopnir úr luftini (6:6)
111911
Nýggjastu sendingar í SV
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809
Mikudag 29. juli
Tingið verður sett
111807