MMR fær tvey landsstýrisfólk

MMR fær tvey landsstýrisfólk
Ætlanin er, at landsstýrið fer at kunngera tvey nýggj landsstýrisfólk í mentamálum í dag
Ætlanin er, at Hanna Jensen úr Framsókn verður annað av tveimum landsstýrisfólkum í mentamálum
 
14.02.2019 - 10:00

Umboð úr samgonguni sótu til langt út á gjárskvøldið og royndu at fáa politisku kabalina at ganga upp, og sum skilst bleiv semja gjørd um, at Mentamálaráðið fær tvey landsstýrisfólk.

Óváttað tíðindi eru um, at Hanna Jensen úr Framsókn verður landsstýriskvinna í undivísingarmálum, meðan eitt av verðandi landsstýrisfólkum hjá Tjóðveldi fær restina av mentanarpartinum, sum fevnir um stjórnaruppgávur, politisku umsitingina og menning.

Sum er hevur Hanna Jensen forkvinnusessin í Mentanarnevndini hjá Løgtinginum, og seint í gjárskvøldið vildi Tjóðveldi fegin hava Óluvu Klettskarð í tann sessin, men enn eru tey tíðindini ikki váttað.

Bíða eftir løgmanni

Kringvarpið hevur roynt at fáa viðmerking frá Akseli V. Johannesen, løgmanni, men hann er á veg av landinum í privatum ørindum, men sum skilst, so skuldi ein fráboðan koma frá honum um nýggju manningina í landsstýrinum.

Mentamálaráðið setti í fjør Hjalmar Hansen sum stjóra í nýggja Undirvísingarstýrinum, sum verður verðandi har, sum Mentamálaráðið í dag er, á Hoyvíksvegi í Havn.

Hin parturin av mentamálunum skal so halda til í Tinganesi. Tíðindini um politisku kabalina, sum er er gingin upp, eru sum áður nevnt ikki váttað.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (1:3)
40584