Váttað: Tey verða landsstýrisfólk í mentamálum

14.02.2019 - 11:55
AktueltPolitikkur
Váttað: Tey verða landsstýrisfólk í mentamálum
Høgni Hoydal, formaður í Tjóðveldi, og Hanna Jensen, úr Framsókn, eru nýggj landsstýrisfólk í mentamálum
Mentamálaráðið fær tvey landsstýrisfólk stutta tíðarskeiðið, sum eftir er av valskeiðinum
Mynd: © KVF/Samansettar myndir  
 

Eftir at løgmaður hevur umsitið mentamál í knappan mánað, er politisiska telvingin nú komin á mál. Mentamál verða býtt sundur millum Framsókn og Tjóðveldi. 

Mentamálaráðið fær altso tvey landsstýrisfólk stutta skeiðið, sum eftir er av valskeiðinum. Tað boðaði Løgmansskrivstovan frá fyri løtu síðani.

 >> SÍ EISINI Landsstýrið verður umskipað

Høgni Hoydal skal, umframt at umsita fiskivinnumál, eisini umsita mentan, ítrótt, miðlar, kirkju, list og søvnini. Hanna Jensen úr Framsókn skal umsita tann partin av Mentamálaráðnum, sum eitur skúlamál, ella útbúgving og skúla.

Hanna Jensen stillaði fyrstu ferð upp fyri Framsókn til Løgtingið á valinum í 2011, tá hon bleiv varafólk hjá flokkinum. Hon varð fyrstu ferð vald á ting við valið seinast, í 2015. Hon hevur - til nú - verið forkvinna í Mentarnarnevndini hjá Løgtinginum.

 >> SÍ EISINI Tvey landsstýrisfólk: Soleiðis eru málsøkini býtt

Løgmaður hevur umsitið mentamál, síðan Rigmor Dam legði frá sær 21. januar eftir at hon var komin í politiskt ódnarveður av óheimilaðari meirnýtlu í sambandi við skúlabyggingina í Marknagili.

 
Nýggjastu sendingar í ÚV
Hósdag 23. mai
Nón - 23.05.19
94813
Hósdag 23. mai
Góðan morgun Føroyar 23. mai 2019
94803
Hósdag 23. mai
Jazzofonin: Alex Riel, 2. partur
94775
Hósdag 23. mai
Morgunlestur hósdagur 23. mai 2019
94655
Mikudag 22. mai
Nón - 22.05.19
94793
Nýggjastu sendingar í SV
Hósdag 23. mai
Andglettur - Framsókn
94822
Mikudag 22. mai
Minnist tú enn? (11:13)
23373
Mánadag 20. mai
3-2
94700
Sunnudag 19. mai
Andakt við Pól í Skorini
94638