Leggja í felag sak móti Trump

19.02.2019 - 07:45
AktueltÚtheimurin
Leggja í felag sak móti Trump
Fleiri amerikanskir statir handaðu í gjár felags stevning móti amerikanska forsetanum, Donaldi Trump. Tey halda, at hann hevur tilgjørt eina kreppu
 

Stevningin er aftursvar til, at Trump seinasta fríggjadag lýsti støðuna við markið til Meksiko at vera nationala kreppu fyri at skaffa pening til at byggja ein múr á sunnara markinum í USA.

Í stevninig skriva statirnir, at teir leggja sak móti Trump fyri at verja íbúgvarnar, tilfeingið og fíggjarligu áhugamálini.

- Ímóti viljanum hjá kongressini hevur forsetin nýtt eina tilgjørda kreppu um ólógliga tilflyting til at lýsa landið í nationala kreppustøðu, og flyta almenna pengar, sum skuldu nýtast til stríðið móti rúsevnum, hernaðarligar byggiverkætlanir og løgreglu, til at byggja ein múr á markinum millum USA og Meksiko, stendur í stevningini. 

Viðmerkja ikki stevningina

Samstundis umhugsar Kongressin, har Demokratarnir hava valdið, at bjóða av kreppufráboðanini hjá Trump. 

- Tað er sera harmiligt. Hon er ikki í samsvari við grundlógina. Vit mugu berjast ímóti henni í rættinum, kongressini og í almenninginum, segði leiðarin hjá Demokratunum, Nancy Pelosi.

15 av 16 statum, sum eru við í felags stevningini hava demokratiskar guvernørar, - einasta undantak er Maryiland. Hvítu Húsini og amerikanska løgmálaráðið hava higartil ikki viðmerkt stevningina. 

Ikki fyrstu ferð

Amerikanskir forsetar hava fleiri ferðir lýst nationala kreppu, síðani National Emergencies Act gjørdist ein møguleiki í 1976. Men sambært New York Times hevur lóggávan ongantíð fyrr verið brúkt fyri at sleppa uttan-um Kongressina eftir at forsetin ikki hevur fingið fígging til ávíst øki.

Kreppu-fráboðanin hjá Trump hevur longu tvær stevningar ímóti sær, - onnur frá bólkinum, Public Citizen, sum umboðar land-eigarar í Texas.

Hin er frá Center for Biological Deiversety, Defenders of Wildlife og The Animal Legal Defense Fund.  Aðrir bólkar hava eisini boðað frá, at tey fyrireika stevning.
 

 
Nýggjastu sendingar í ÚV
Mikudag 16. oktober
Nón - 16. okt. 2019
99960
Mikudag 16. oktober
Áðrenn Elvis: Elligamal tónleikur
99951
Mikudag 16. oktober
LEITISSTEIN 14.10.2019 (1t)
99923
Mikudag 16. oktober
LEITISSTEIN 14.10.2019 (2t: GRACE 25 ÁR)
99922
Mikudag 16. oktober
Morgunlestur mikudagur 16. oktober 2019
99845
Nýggjastu sendingar í SV
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745
Mikudag 9. oktober
Fótbóltur: Føroyar - Norra (kvinnur)
99695