Realurin fær stuðul frá vinnuni

Realurin fær stuðul frá vinnuni
Vinnan hevur ikki brúk fyri nýggjari skipan um útflutningsfíggingartrygd
Lógin um Realin skal dagførast. Ivi er um ásetingina um útflutningsfíggingartrygd
 
21.02.2019 - 13:16

Stjórin í Realinum, Leivur Michelsen, fær stuðul frá feløgunum í Vinnuhúsinum, tá hann sigur, at Realurin hevur ongar royndir í at fíggja fisk, sum verður útfluttur, og, at hann heldur ikki veit, hvør vil hava Realin at gera tað. 

Sambært lógarbroyting skal Realurin hava eina heilt nýggja uppgávu, sum eitur útflutningsfíggingartrygd.

Leivur Michelsen segði við Útvarpið herfyri, at hann ivast í, um Realurin hevur fíggjarliga orku til hesa fígging. 

Føroya arbeiðsgevarafelag sigur í hoyringarsvari, at tað hevur tosað við vinnuna.

Eingin tørvur

Vinnan sigur seg ikki hava brúk fyri nýggjari skipan um útflutningsfíggingartrygd.

Hetta eigur ikki at vera kjarnuvirksemi hjá einum realkredittstovni, sigur arbeiðsgevarafelagið.

Felagið sigur seg ivast í, um Realurin hevur fíggjarliga orku at lyfta hesa uppgávu, sum krevur stóra orku til at váðameta altjóða keyparar.

Eftir at hava tosað við viðkomandi feløg í Vinnuhúsinum sigur Føroya arbeiðsgevarafelag, at yvirskipað taka tey undir við uppskotinum, sum ivaleyst er ein tiltrongd dagføring.

Er kopiera
Nýggjastu sendingar í ÚV
Nýggjastu sendingar í SV
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652