Stór sveiggj í avreiðingunum

Stór sveiggj eru í tølunum fyri avreiðingar í ársins fyrsta mánaði, tá januar í 2018 og 2019 verða samanbornir.

Talan er um stórar broytingar, bæði rætta vegin og skeiva vegin.

Sambært tølunum fyri januar í ár vórðu avreidd 1487 tons av upsa, sum eru 40 prosent minni enn í fjør.

Virðið er uppaftur minni. Tað er 42,2 prosent minni enn í januar í fjør.

Men nógv meira er fiskað av toski og serliga av hýsu í ár.

Vøksturin í tonsum er ávikavist 29,7 prosent og 96,4 prosent.

Nógv havtaska 

Men størsti vøksturin er í havtaskuni. 

Hann er næstan 500 prosent, 42 tons í januar og 248 tons í ár. 

Í januar í ár vórðu avreidd 5.522 tons, 397 tons fleiri enn í fjør, 7,4 prosent.

Virðið var 66,9 milliónir krónur, 5,4 milliónir meira enn í januar í fjør. Vøksturin er 8,8 prosent.

Uppsjóvarfiskur er ikki við í avreiðingartølunum.