- Tíðindi, mentan og ítróttur
Úrskurður á veg um autismuráðgevar
Úrskurður á veg um autismuráðgevar
Fasti gerðarrættur hevur fýra vikur til at gera úrskurð í málinum um autismuráðgevararnar í Pedagogfelagnum
28.02.2019 - 12:47
Úrskurðarfundur var í gjár. Málið er gamalt. Tað byrjaði í 2016, og hálvan juni 2017 kærdi Pedagogfelagið Fíggjarmálaráðið fyri sáttmálabrot.
Málið er um autismuráðgevarnar, sum eru limir í Pedagogfelagnum. Teir eru tríggir í løtuni.
Pedagogfelagið heldur uppá, at talan er um nýtt starv, sum eigur at verða flokkað, sigur Jógvan Philbrow, formaður í Pedagogfelagnum.
Men Almannaverkið og Fíggjarmálaráðið halda uppá, at talan er um vanlig pedagogstørv, og tey eru flokkað.
Hanna Vang, Leivur Michelsen og Vígdis Johannesen eru dómarar, ella rættarlimir, í hesum málinum.
Nýggjastu sendingar í ÚV
Nýggjastu sendingar í SV