SÍ omaná í dramatiskari finalu

02.03.2019 - 16:01
ÍtrótturFlogbóltur
SÍ omaná í dramatiskari finalu
SÍ vann steypafinaluna hjá kvinnum móti Fleyr eftir stóran spenning og javnbrótara.
 

Javnbrótari mátti til, áðrenn SÍ vann eina sera dramatiska steypafinalu hjá kvinnum.

Tað sá svart út hjá sørvágskvinnum eftir tvey tey fyrstu settini. Fleyr vann tey bæði, og so hevði SÍ ryggin móti múrinum.
Tær vuksu tó undir trýstinum og vunnu triðja og fjórða sett. 

So var farið út í javnbrótaran, og har var SÍ sterkari í avgerðandi løtuni. Tær vunnu 15-12 og fóru avstað við steypinum. 

Fyrsta settið var eins javnt og tey flestu høvdu roknað við frammanundan. SÍ hevði nøsina frammanfyri størsta partin
av settinum, men Fleyr vildi ikki sleppa og javnaði eisini til 20-20. Súsanna Sólrunnardóttir Ludvig avgjørdi til endans fyri Fleyr
við serviessi til 25-23.

Sørvágskvinnur løgdu væl fyri í øðrum setti og spældu seg til greiða 16-11 leiðslu. Tá tók Fleyr time-out og tað gav úrslit 
beinanvegin. Havnaliðið fekk seks stig á rað, tók leiðsluna og seinni settið, sum endaði 25-22. 

SÍ hevði ryggin móti múrinum, og mátti vinna triðja sett, men hetta tøktist bert at eggja til størri innsats. Eftir eina javna byrjan 
fóru sørvágskvinnur frá eini eittmálsleiðslu til at vera heili níggju stig frammanfyri. Støðan var tá 23-14, og hóast Fleyr fekk 
nøkur stig afturat var ov seint, og SÍ vann 25-18.

Og nú var SÍ veruliga omaná. Tær hildu fram, sum tær endaðu í triðja setti, og komu skjótt á odda í fjórða. Munurin gjørdist
bara størri og størri, men so steðgaði upp. Fleyr otaði seg nærri, men tað var ov seint, og SÍ vann settið 25-18.

So mátti farast út í javnbrótara. Liðini fylgdust mestsum allan vegin, men tá støðan var 12-12 tók SÍ avgerðandi 
stigini og vann steypafinaluna 15-12. 
 

 
Nýggjastu sendingar í ÚV
Fríggjadag 20. september
TEMPO úr dvala
98968
Fríggjadag 20. september
Pressan: Jenis av Rana og Kringvarpið
98960
Fríggjadag 20. september
Morgunlesturin fríggjamorgunin 20. september 2019
98627
Hósdag 19. september
Nón - 19. september 2019
98928
Hósdag 19. september
Mono: Filmstónar - Snjóhvíta
98917
Nýggjastu sendingar í SV
Mánadag 16. september
Móttøka í Tinganesi
98789
Mánadag 16. september
3-2
98799
Sunnudag 15. september
Guðstænasta úr Kollafjarða kirkju
98752
Sunnudag 15. september
Andakt við Randi Froyseth
98749
Fríggjadag 13. september
Kaj Klein konsert í Maggies
98618