Sporðdrekin í FM finaluni

05.03.2019 - 15:12
Ítróttur
Sporðdrekin í FM finaluni
Sporðdrekin hevur spælt seg í FM-finaluna í kurvabólti fjórða árið á rað
 

Sporðdrekin vann í gjár hálvfinaluna ímóti Hamari í landskappingini í kurvabólt, 59-44. 

Hóast Sporðdrekin endaði við at vinna við fimtan stigum, so var tað Hamar, sum var á odda í hálvleikinum, 22-27. 

Tá triðji fjórðingur var komin í helvt tók Sporðdrekin tó veruliga yvir og byrjaði at leggja stórt trýst á Hamar í álopsspælinum.

Trýstið hevði við sær, at Hamar fekk nógvar feilir dømdar ímóti sær.

Hetta fekk eisini avleiðingar fyri ein av allarbestu spælaranum hjá Hamari, Sjúrður Sivertsen, sum gjørdi sín fimta feil í dystinum og bleiv tí útvístur.

Eftir hetta gekk illa hjá Hamari at fáa stig, samstundis sum Sporðdrekin fekk gongd á sítt spæl.

Hamar kom ongantíð fyri seg eftir hetta, og Sporðdrekin økti um leiðsluna tað sum eftir var av dystinum og vann at enda tryggan sigur. 

Sporðdrekin er tí í FM-finaluni fjórða árið á rað. 

Sporðdrekin-Hamar 59-42

1.fjórðingur 16-12
2.fjórðingur 22-27
3.fjórðingur 41-32
4.fjórðingur 59-42

Toppskjúttar

Ólavur W. Joensen Hamar 19 stig
Magnus Jakobsen Sporðdrekin 18 stig

Hvørjum Sporðdrekin skal spæla ímóti verður avgjørt leygardagin, tá Hávur og Ravnur spæla hina hálvfinaluna.

Finalan í Trygd-kappingini verður 23. mars í høllini á Argjahamri.

 
Nýggjastu sendingar í ÚV
Mánadag 20. mai
Norðurljóð 20.mai 2019
94691
Mánadag 20. mai
Góðan morgun Føroyar 20. mai 2019
94671
Mánadag 20. mai
Morgunlestur mánadagur 20. mai 2019
94646
Sunnudag 19. mai
Guðstænasta í Vágs kirkju
94633
Nýggjastu sendingar í SV
Sunnudag 19. mai
Andakt við Pól í Skorini
94638
Sunnudag 19. mai
Guðstænasta í Sjóvar kirkju
94640
Fríggjadag 17. mai
Andakt við Bergtóri Hjelm Bjarkhamar
94619
Fríggjadag 17. mai
Guðstænasta úr Havnar kirkju
94615