Verklagslógir um tunnilsvegir

08.03.2019 - 12:58
AktueltPolitikkur
Verklagslógir um tunnilsvegir
Uppskot um verklagslógir um innkomuvegin í Havn og Fjøruvegin í Runavík eru komin í løgtingið
Partur av innkomuvegnum í Havn er gjørdur fyri nógvum árum síðani.
 

Talan er um vegir, sum hava samband við Eysturoyartunnilin, men sum ikki verða lidnir, tá undirsjóvartunnilin er liðugur.

Heðin Mortensen, landsstýrismaður í samferðslumálum, legði í gjár fram tvey uppskot um verklagslógir.

Annað uppskotið er um innkomuvegin í Havn. Hann má ikki kosta landinum meira enn 114 milliónir krónur. Verklagslógin fer úr gildi 31. desember í 2025.

Sambært lógaruppskotinum skal innkomuvegurin gerast frá Kaldbaksvegnum, umvegis Skarðshjalla móti rundkoyringini við Hvítanesvegin oman fyri munnan til Eysturoyartunnilin, og síðani norður um Havnina til Villingardalsvegin.

Í ár er bara játtað ein millión krónur til vegin. Men sambært íløguætlan landsstýrisins verða 114 milliónir krónur játtaðar frá 2018 til 2023. 

Fjøruvegurin

Heðin Mortensen hevur eisini eitt uppskot um Fjøruvegin í Runavík. Hann kann ikki kosta landinum meira enn 35 milliónir krónur. Verklagslógin er galdandi til 31. desember 2028.

Sambært uppskotinum skal nýggjur landsvegur gerast av Glyvravegi gjøgnum fjøruna eftir havnarlagnum í Saltangará og Runavík til nýggja tunnilsvegin í Rókini.

Í ár eru játtaðar fýra milliónir krónur. Men sambært íløguætlan landsstýrisins verður eingin peningur játtaður til Fjøruvegin næstu árini.

 
Nýggjastu sendingar í ÚV
Týsdag 23. apríl
Góðan morgun Føroyar 23. apríl 2019
93763
Týsdag 23. apríl
Morgunlestur týsdagur 23. apríl 2019
93369
Mánadag 22. apríl
30 ár síðan oyggjaleikirnar
93309
Mánadag 22. apríl
Hin miskunnsami samariubúgvin
93342
Mánadag 22. apríl
Guðstænasta í Hoyvíkar kirkju
93730
Nýggjastu sendingar í SV
Mikudag 24. apríl
25 minuttir: Andrias Høgenni
93252
Mánadag 22. apríl
Hamradun - konsert í Tvøroyrar kirkju
93477
Mánadag 22. apríl
Møti
93735
Mánadag 22. apríl
Andakt við Øssuri Kjølbro
93733