Dømdur 90 mánaðar fongsul

13.03.2019 - 17:16
AktueltÚtheimurin
Dømdur 90 mánaðar fongsul
Fyrrverandi stjórin fyri valstríðnum hjá Trump, Paul Manafort, varð í farnu viku dømdur hálvt-fjórða árs fongsul fyri skattasvik og bankasvik
Paul Manafort, fyrrverandi stjóri fyri valstríðið hjá Donald Trump, varð í farnu viku dømdur hálvt-fjórða árs fongsul fyri svik
Mynd: © AP  
 

Í dag er hann dømdur 43 mánaðir aftrat í fongsul fyri at hava roynt á ávirkað vitni, og fyri at hava gjørt lobbyarbeiði fyri ukreinskar politikarar. Tilsamans skal hann nú sita 90 mánaðir í fongsli.

Tað svarar til sjey og eitt hálvt ár, skrivar tíðindastovan, AP. Teir níggju mánaðirnir, sum Manafort hevur sitið í varðhaldi, verða tó drignir frá dóminum. 

Dómurin var longu strangasti dómur nakrantíð eftir at serligi kanningarstjórin, Robert Mueller, fór undir sonevndu russlandskanningina. Mueller kannar, hvørji møgulig sambond eru millum umsitingina hjá Donaldi Trump og russiskar myndugleikar.

Verjar: Leyg ikki við vilja

Manafort stóð á odda fyri valstríðnum hjá Trump. Í heyst kunngjørt Mueller, at Manafort fleiri ferðir hevði logið í rættinum fyri teimum, sum kanna uppáhaldið um, at russarar høvdu ávirkað forsetavalið í 2016. 

Verjarnir hjá Manafort hava tvíhildið um, at Manafort ikki leyg við vilja, men at hann gloymdi fleiri smálutir í málinum. Verjarnir mæltu til lina revsing.

Eitt nú tí teir halda, at Manafort hevur fingið álvarsligar heilsutrupulleikar meðan hann hevur sitið í varðhaldi. 69 ára gamli Manafort hevur millum annað fingið gikt, meðan hann hevur sitið í varðhaldi.

 
Nýggjastu sendingar í ÚV
Hósdag 23. mai
Nón - 23.05.19
94813
Hósdag 23. mai
Góðan morgun Føroyar 23. mai 2019
94803
Hósdag 23. mai
Jazzofonin: Alex Riel, 2. partur
94775
Hósdag 23. mai
Morgunlestur hósdagur 23. mai 2019
94655
Mikudag 22. mai
Nón - 22.05.19
94793
Nýggjastu sendingar í SV
Hósdag 23. mai
Andglettur - Framsókn
94822
Mikudag 22. mai
Minnist tú enn? (11:13)
23373
Mánadag 20. mai
3-2
94700
Sunnudag 19. mai
Andakt við Pól í Skorini
94638