Nógv fyrivarni fyri Fjøruvegi

14.03.2019 - 07:00
AktueltPolitikkur
Nógv fyrivarni fyri Fjøruvegi
Nógv fyrivarni verða tikin í uppskotinum um Fjøruveg í Runavík og innkomuvegin til Havnar
Fjøruvegurin í Runavík skal gerast av Glyvravegi, gjøgnum fjøruna og eftir havnalagnum í Saltangará og Runavík, og til nýggja tunnilsvegin í Rókini
 

Løgtingið skal í dag viðgera uppskotini um eina verklagslóg frá landsstýrismanninum í samferðslumálum um at gera nýggjan Fjøruveg í Runavík og innkomuveg til Havnar í samband við Eysturoyartunnilin.

Fjøruvegurin í Runavík skal gerast av Glyvravegi, gjøgnum fjøruna og eftir havnalagnum í Saltangará og Runavík, og til nýggja tunnilsvegin í Rókini.

Men nógv fyrivarni verða tikin í uppskotinum um prís og liðugtger, sæst í viðmerkingum. Vegurin kann í mesta lagi kosta 35 milliónir krónir, stendur í uppskotinum.

Kostnaðurin takast við fyrivarni

Kostnaðurin fyri vegin skal takast við stórum fyrivarni, tí hon byggir á eitt skitsuprosjekt, verður sagt í viðmerkingum til uppskotið. Eisini verður skrivað í viðmerkingum, at nógvar fyrireikingar eru eftir at gera.

Ikki fyrr enn øll verkætlanin er prosjekterað, verkætlanin er boðin út, tilboðini eru komin inn, samráðingar hava verið við arbeiðstakarar, og endaligur sáttmáli er gjørdur, kenna vit kostnaðin.

Tað kunnu koma støður fyri í byggitilgongdini, sum broyta kostnaðin, verður skrivað í viðmerkingum til uppskotið.

Nakrar fyrireikingar eftir at gera

Innkomuvegurin til Havnar skal gerast av Kaldbaksvegnum, umvegis Skarðshjalla móti rundkoyringini við Hvítanesvegin oman fyri munnan til Eysturoyartunnilin, og síðani norður um Havnina til Villingardalsvegin.

Hesin vegurin kann í mesta lagi kosta 114 milliónir krónir. Men eisini her verða fyrivarni tikin, sæst í viðmerkingum. Kostnaðarmetingin skal takast við fyrivarni, tí nakrar fyrireikingar eru eftir at gera, verður skrivað í viðmerkingum.

Ikki fyrr enn øll verkætlanin er prosjekterað, verkætlanin er boðin út, tilboðini eru komin inn, samráðingar hava verið við arbeiðstakarar og endaligur sáttmáli er gjørdur, kenna vit kostnaðin. Tað kunnu koma støður fyri í byggitilgongdini, sum broyta kostnaðin, verður sagt í viðmerkingum.

 
Nýggjastu sendingar í ÚV
Sunnudag 20. oktober
Meg minnist: Egil Hoydal (1:2)
99927
Sunnudag 20. oktober
Bolero 20 okt. 2019
100078
Sunnudag 20. oktober
Guðstænasta úr Kunoyar kirkju 20 okt. 2019
100077
Sunnudag 20. oktober
Minnismyndir: Hans Holm (2:3)
99843
Sunnudag 20. oktober
Credo: Rennandi presturin
100037
Nýggjastu sendingar í SV
Sunnudag 20. oktober
Andakt við Heðini Lamhauge
100075
Sunnudag 20. oktober
Heystguðstænasta úr Eiðis kirkju
100076
Hósdag 17. oktober
Flaggsigling 2019 1:2
100020
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826