Yvirgangsmaðurin ætlaði at fremja fleiri átsóknir

16.03.2019 - 09:44
AktueltÚtheimurin
Yvirgangsmaðurin ætlaði at fremja fleiri átsóknir
Avstralski Brenton Tarrant, sum eftir øllum at døma stóð aftanfyri blóðugu drápini í gjár, tá 49 fólk vórðu myrd, ætlaði at fremja fleiri atsóknir
 
 

Tað sigur forsætisráðharrin í Nýsælandi, Jacinda Ardern, sambært bretska blaðnum, The Guardian, og tíðindastovuni, Reuters.

- Tað vóru tvey onnur skotvápn í bilinum, sum gerningsmaðurin koyrdi í, og hann hevði avgjørt ætlanir um at halda fram við atsóknunum, sigur Ardern sambært Reuters.

28 ára gamli maðurin, sum er føddur í Avstralia, varð tó tikin av løgregluni áðrenn hann náddi at fremja fleiri atsóknir.

36 minuttir eftir at løgreglan fekk fyrstu fráboðanina um atsóknirnar á moskurnar, hevði løgreglan handtikið Brenton Harrison Tarrant.

Hvørjar ætlanir hann hevði, sigur forsætisráðharrin Ardern kortini einki um.

Brenton Tarrant hevði tó fimm skotvápn uppi á sær, tá hann varð handtikin. Tvey vápn vóru hálv-automatisk.

Hóast Brenton Tarrant ikki fekk útint allar sínar yvirgangsætlanir, náddi hann mest sannlíkt at drepa 49 fólk í tveimum moskum í býnum Christchurch.

Tað hendi seinnapartin lokala tíð í gjár, tá fleiri hundrað fólk vóru møtt til bøn í teimum báðum moskunum.

Millum tey særdu og deyðu í álopunum í gjár, vóru eisini børn, skrivar blaðið, The Guardian. Meginparturin eru menn millum 30 og 40 ár, upplýsir stjórin á sjúkrahúsinum, Christchurch Hospital Greg Robertson.

Brenton Tarrant, sum er undir illgruna fyri at hava staðið aftanfyri álopini, varð seint okkara tíð í gjárkvøldið í grundlógaravhoyring, ákærdur fyri eitt dráp. Helst koma fleiri skuldsetingar móti honum, skrivar Ritzau.

Ein dómari í rættinum í Christchurch valdi at fongsla 28 ára gamla Tarrant til 5. apríl, tá næsti rættarfundurin verður.

Enn er óvist, hvørja støðu Tarrant hevur til ákærurnar.

Sí eisini

Nýggjastu sendingar í ÚV
Hósdag 21. mars
Nón - hósdagur 21.03.19
92559
Hósdag 21. mars
Góðan morgun Føroyar 21. mars 2019
92535
Hósdag 21. mars
LEITISSTEIN 15.03.2019 (Lena 2)
92530
Hósdag 21. mars
Morgunlestur hósdagur 21. mars 2019
91109
Nýggjastu sendingar í SV
Mikudag 27. mars
25 minuttir: Linda Mortansdóttir
92545
Fríggjadag 22. mars
Hondboltu: Kyndil - Neistin, FM hálvfinala
92573
Mikudag 20. mars
Minnist tú enn? (3:13)
16392
Mikudag 20. mars
25 minuttir: Jóna Joensen
92340