Bara annar læknin flytur úr Berjabrekku

26.03.2019 - 13:07
AktueltHeilsa
Bara annar læknin flytur úr Berjabrekku
Býráðið í Havn fer hóskvøldið at atkvøða um eitt uppskot um at halda fram í Berjabrekku og, at klinisku dietistarnir fáa boðið at flyta inn har
Býráðið í Havn fer í kvøld at viðgera kommunulæknar.
 

Bara annar læknin flytur úr Berjabrekku.

Býráðið í Havn fer hóskvøldið at atkvøða um eitt uppskot um at halda fram við leigumálinum í Berjabrekku og, at klinisku dietistarnir fáa boðið at flyta í Berjabrekku. Meirilutin í Fíggjarnevndini hjá býráðnum tekur undir við hesum. 

Heilsutrygd vil, at kommunulæknarnir halda fram í Berjabrekku. Har eru tvær viðtalur. Men tann eini læknin flytur í nýggju hølini við Kirkjustræti í Hoyvík. 

Klinisku dietistarnir kunnu so flyta í tómu viðtaluhølini í Berjabrekku. 

Í løtuni eru klinisku dietistarnir í læknaviðtalunum í Miðlon og í Gundadali.

Ikki pláss fyri fýra læknum

Annars hevur Heilsutrygd boðað frá, at ikki ber til at hava fýra læknar í viðtaluhølunum í Miðlon.

Teir fýra kommunulæknarnir í Miðlon, sum allir arbeiða niðursetta tíð, verða settir at arbeiða fulla tíð. Soleiðis verður annað av nýggju kommunulækna-størvunum mannað.

Hitt starvið bíðar til Tórshavnar kommuna hevur tíðarhóskandi viðtaluhøli at vísa á.

Tá komið er so langt, verða ein læknaviðtala í Berjabrekku, fýra í Gundadali, tríggjar í Miðlon, fimm í Kirkjustræti og ein viðtala er í Kollafirði.

Býráðið væntar, at bygningurin við Kirkjustræti verður liðugur í august mánað. 
 

 
Nýggjastu sendingar í ÚV
Leygardag 19. oktober
Eru vit í ætt við indianarnar?
99313
Leygardag 19. oktober
Leygardagur 19. Oktober 2019
100065
Leygardag 19. oktober
Morgunlestur leygardagur 19. oktober 2019
99849
Nýggjastu sendingar í SV
Hósdag 17. oktober
Flaggsigling 2019 1:2
100020
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745