Samráðingarnar ganga illa

06.04.2019 - 13:38
AktueltPolitikkur
Samráðingarnar ganga illa
Labour letur nú illa at samráðingunum við Theresu May um tvørpolitisku neyðsemjuni um Brexit, sum skal leggjast fram í næstu viku.
 

Labour letur nú illa at samráðingunum við Theresu May um tvørpolitisku neyðsemjuni um Brexit, sum forsetismálaráðharrin nú roynir at gera við Labour.  

Theresa May skal eftir æltan leggja fram eina nýggja ætlan um Brexit á toppfundi í EU í næstu viku. 

Týsdagin lovaði hon at royna at gera eina bretska, tvørpolitiska neyðsemju við Labour, sum  kann leggja fram fyri ES mikudagin. 

Men Labour letur nú illa at samráðingunum. Eftir at hava tingast í tveir dagar, skrivar Laboyr í yvirlýsing, at May ikki er komin við einum nóg góðum uppskoti til eina nýggja semju.  

Eitt av krøvunum hjá Labour er, at Stóra Bretland skal verða verandi í tollsamgongu saman við ES, og Labour vónar framvegis, at May fer at koma við einum haldgóðum broytingaruppskoti.

May bað hósdagin ES-forsetan Donald Tusk um loyvi at útseta freistina fyri nær Bretland skal fara úr ES til 30. juni. Men flestu ES londini hava verið ivasom um hetta, millum annað Frakland og Holland.  

Tey vilja síggja ítøkiligar broytingar í avtaluni, tá Theresa May leggur fram sína neyðsemju mikudagin í næstu viku. Um ikki kann úrslitið gerast, at Bretland noyðist at fara úr ES uttan eina avtalu tveir dagar seinni. 

 
Nýggjastu sendingar í ÚV
Fríggjadag 18. oktober
Óhoyrt: Proppað við óhoyrdum gullkornum
100053
Fríggjadag 18. oktober
Pressan: Fótbóltur fyrst og fremst
100039
Fríggjadag 18. oktober
Morgunlestur fríggjadagur 18. oktober 2019
99850
Hósdag 17. oktober
Breddin
100021
Hósdag 17. oktober
Nón - 17. oktober 2019
100017
Nýggjastu sendingar í SV
Hósdag 17. oktober
Flaggsigling 2019 1:2
100020
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745