Loyvi frá aðalráðnum at lata øðrum menningarkvotu

12.04.2019 - 12:18
AktueltVinna
Loyvi frá aðalráðnum at lata øðrum menningarkvotu
Fiskimálaráðið hevur givið partafelagnum Kinnfelli loyvi til at landa menningarkvotu til uppsjóvarvirki, og ikki til Snarfrost í Miðvági
Katrin Jóhanna hjá P/f Kinnfelli.
 

Fiskimálaráðið hevur givið partafelagnum Kinnfelli loyvi til at landa menningarkvotu til uppsjóvarvirki, og ikki til Snarfrost í Miðvági, sum hevur fingið menningarkvotuna saman við Kinnfelli.

Partafeløgini hava biðið um, at svartkjafturin, sum er eftir í ár, verður landaður í Miðvági og til uppsjóvarvirki, til dømis Havsbrún.

Feløgini hava 6.738 tons eftir av svartkjafti í ár.

Menningarkvotan varð latin virkinum í Miðvági til at virka har.

Men sambært Snarfrosti fær virkið í fyrsta umfari bara arbeitt 20 tons um samdøgrið. Sum frá líður verða tonsini 50 um samdøgrið.

50 tons eru ikki nógv, tá talan er um svartkjaft. 

Katrin Jóhanna fiskar

Kinnfelli eigur uppsjóvarskipið Katrina Jóhonnu, sum fiskar svartkjaftin.

Partafeløgini í Vágum ætla tí at landa nógv tann størsta partin av tí, Katrin Johanna fiskar, til Havsbrún í Fuglafirði til dømis.

Svartkjafturin til Miðvágs verður goymdur í serstakari køling í skipinum og latin virkinum til frystingar og pakkingar.

Fiskimálaráðið ger vart við, at loyvið er bara galdandi fyri svartkjatfin, sum er eftir í ár.

Partafeløgini Snarfrost og Kinnfelli fingu í fjør 10.400 av svartkjafti í menningarkvotu í fýra ár.


 

 
Nýggjastu sendingar í ÚV
Leygardag 25. januar
Á Quiztinum - 2. innleiðandi umfar
103841
Leygardag 25. januar
Vanlukkan í Vesturísinum (3:8)
103095
Leygardag 25. januar
Kjakaríið: Andras, Theresa og Heini
103876
Leygardag 25. januar
Leygardagur 25. januar 2020
103875
Leygardag 25. januar
Morgunlesturin leygarmorgunin 25. januar 2020
103002
Nýggjastu sendingar í SV
Fríggjadag 24. januar
Hyggjuráðið
103852
Hósdag 23. januar
Sí stuttfilmin: "Ikki illa meint"
103763
Mikudag 22. januar
25 minuttir: Tim Birkhead
103726
Mánadag 20. januar
3-2
103616