Fólkavøksturin í India og Afrika má tálmast

20.04.2019 - 13:10
AktueltÚtheimurin
Fólkavøksturin í India og Afrika má tálmast
Fólkavøksturin í India og Afrika økir um veðurlagsbroytingarnar, og danskir granskarar skjóta upp at seta eitt-barns politik í verk
Fólkatalið í India veksur við fullari ferð
Mynd: © Aftenposten  
 

Umhvørvis- og veðurlagsgranskarar vísa nú á fólkavøksturin sum nógv størsta trupuleika fyri veðurlagsbroytingarnar í heiminum.

Fleiri danskir granskarar skjóta upp at steðga fólkavøkstrinum við eitt-barns politikki eitt nú í India og Afria, skrivar tíðindastovan Ritzau.

Jørgen E. Olesen frá lærda háskúlanum í Århus skýtir upp, at lond sum India og Afrika gera sum Kina gjørdi frá 1979 til 2015, nevniliga at banna sínum íbúgvum at fáa meira enn eitt barn.

Professari: Fólkavøkstur størsti trupulleikin fyri veðurlagið

 - Trupulleikin er, at vit gerast alsamt fleiri, og vit gerast ríkari - tí brúka vit meira og dálka meira, sigur Jørgen E. Olesen við Ritzau.

Hann heldur, at jú færri fólk dálka, jú minni verður trupulleikin. Jørgen E. Olesen hevur í fleiri ár verið limur í nevnd hjá ST, ið viðger avbjóðingarnar við veðurlagsbroytingum

Hann vísir á, at India hevur 1,3 milliardir íbúgvar og fólkatalið í landinum veksur við fullari ferð. Tað sama er galdandi í fleiri londum í Afrika, sigur hann.

Eisini Egil Kaas, professari í veðurlagi við lærda háskúlan í Keypmannahavn, metir, at fólkavøkstur er størsti trupulleikin fyri veðurlagið. Hann heldur somuleiðis, at tørvur er á sokallaðum eitt-barns-politikki í ávísum londum.

Fólkavøkstur merktur av tabu

 - Eg eri púra samdur í, at vit eiga at seta eitt mark. ST má leggja trýst á ávís lond, men tað er ikki lætt, tí átrúnaður ávirkar áskoðanina á fyribyrging og fosturtøku, sigur Egil Kaas við Jylland-Posten.

Jyllands-Posten hevur eisini tosað við Kaj Sand-Jensen, sum er professorari við lærda háskúlan í Keymannahavn. Hann heldur, at fólkavøksturin í heiminum er eitt evnið merkt av tabu, men tað er alneyðugt, at okkurt verður gjørt við trupulleikan.

Fólkatalið í India er fýrafaldað síðani 1947, og tað hevði verið skilagott at bannað fólki í India at fáa meira enn eitt barn, heldur hann, men hann viðurkennir tó, at tað hevði verið eitt álop á fólkið, ið har býr, bæði mentanarliga og átrúnaðarliga.

 
Nýggjastu sendingar í ÚV
Týsdag 25. juni
Morgunlestur týsdagur 25. juni 2019
95938
Mánadag 24. juni
Norðurljóð 24. juni 2019
95985
Mánadag 24. juni
Við seyði í fjallahagan (2:4)
95974
Mánadag 24. juni
TB fór við øllum á jóansøku
95971
Nýggjastu sendingar í SV
Mánadag 24. juni
3-2
95997
Sunnudag 23. juni
Andakt við Ara Langgaard
95929
Sunnudag 23. juni
Guðstænasta í Fámjins kirkju
95931
Leygardag 22. juni
Video: 10mf, jóansøka 2019
95919
Leygardag 22. juni
Video: 5mf kvinnur, jóansøka 2019
95918