Forsetaval er í Ukreina

21.04.2019 - 14:48
AktueltÚtheimurin
Forsetaval er í Ukreina
Petro Poroshenko, sitandi forseti í Ukreina
 

Ukreinar kunnu velja millum sitandi forsetan Petro Poroshenko ella nýggja valevni, sjónvarpsmannin Volodymyr Zelensky.

Zelensky er betri umtóktur og er eisini frammanfyri Poroshenko í meiningarkanningum. Hann vann eisini fyrsta umfar, tá veljast skuldi millum 39 valevnir, harav tvey komu víðari til endaliga valumfarið, sum er í dag.

Forsetin í Ukreina situr í fimm ár og hevur umfatandi heimildir inn trygdar- og verjupolitikk og uttanríkispolitikk.

Petro Poroshenko er forseti í løtuni. Seinastu árini hevur hann roynt at flutt Ukreina fram ímóti NATO og ES limaskapi. Tað er eitt eymt mál í Ukreina, har stórur partur av fólkinum heldur vil verða nærri at Russlandi.

Poroshenko kann tó koma í trupulleikar av ímyndini, ið Ukreinar hava av sínum politikkarum. Í fleiri ár hevur mutur verið ein stórur trupulleiki í politisku skipanini í Ukreina. Fleiri veljarar hava eisini fýlst á, at politiska skipanin meir ella minnið er í lummanum hjá ríkum oligarkum.

Poroshenko sjálvur er milliardingur, við íløgum í fleiri greinum av ukreinskum vinnulívi.

Valhølini lata aftur kl. 17 í kvøld.

Viðurskiftini í Ukreina hava verið óstøðug í nógv ár. Síðan landið gjørdist sjálvstøðugt í 1991, hevur tað politiskt skift kós millum at dragast nærri at Evropa og Russlandi.

Eftir at Russlands-sinnaði forsetin, Viktor Yanukovych varð koyrdur frá í 2014, hertók Russland Krim-hálvoynna í suður Ukreina og russar eru eisini farnir inn í økir í eystur Ukreina, har samanbrestir millum russar og ukreinar til tíðir hava stungið seg upp.

Ukreina er eitt av størstu londum í Evropa. Tað búgva 45 milliónir fólk í Ukreina.
 

 
Nýggjastu sendingar í ÚV
Mánadag 20. mai
LEITISSTEIN 10.05.2019 (1969)
94702
Mánadag 20. mai
Norðurljóð 20.mai 2019
94691
Mánadag 20. mai
Góðan morgun Føroyar 20. mai 2019
94671
Mánadag 20. mai
Morgunlestur mánadagur 20. mai 2019
94646
Nýggjastu sendingar í SV
Mánadag 20. mai
3-2
94700
Sunnudag 19. mai
Andakt við Pól í Skorini
94638
Sunnudag 19. mai
Guðstænasta í Sjóvar kirkju
94640
Fríggjadag 17. mai
Andakt við Bergtóri Hjelm Bjarkhamar
94619
Fríggjadag 17. mai
Guðstænasta úr Havnar kirkju
94615