Gomul tól á Landssjúkrahúsinum

21.04.2019 - 14:38
AktueltHeilsa
Gomul tól á Landssjúkrahúsinum
 

Stór útskiting av tólum eigur at fara fram á G-bygninginum á Landssjúkrahúsinum.

Tað stendur í skrivið til Heilsu- og innlendismálaráðið frá Landssjúkrahúsinum, í sambandi við umbønini um eykajáttan, sum kemur fyri tingið í næstu viku.

Tørvur er á umleið 10 milliónum krónum næstu trý árini at skifta tað, sum er mest átrokandi, sigur Margit Stórá, virkandi stjóri á Landssjúkrahúsinum.
 
Talan er er um lutir og tól, sum er komin til "End of Life", sum tey kalla tað. Tað er eisini torført at fáa eykalutir og umvælingar til tólini, tí tey eru somikið gomul.

Landssjúkrahúsið skrivar, at "verða tey ikki skift so hvørt, er tað akutt tá tey ganga fyri".

Samanlangt eigur Landsjúkrahúsið leysafæ fyri meir enn 200 milliónir krónur.

Enn er ógreitt um peningur verður játtaður í eykajáttan til viðlíkahald og útskifting av tólum.

Ein eykajáttan til Landssjúkrahúsið er farin í løgtingið, har biði verður um 14 milliónir krónur til Landssjúkrahúsið. Tær 14 milliónir eru fyri at kunna varðveita verandi virksemi á Landssjúkrahúsinum.

Fyrsta viðgerð av eykajáttanini verður mikudagin í næstu viku.

 
Nýggjastu sendingar í ÚV
Týsdag 16. juli
Summartímin týsdagin 16. juli
96833
Týsdag 16. juli
Minibarrin 16. juli 2019
96821
Mánadag 15. juli
Summartímin mánadagin 15. juli
96795
Nýggjastu sendingar í SV
Leygardag 13. juli
Video: 5mf kvinnur, vestanstevna 2019
96751
Leygardag 13. juli
Video: 10mf, vestanstevna 2019
96750
Leygardag 13. juli
Video: 8mf, vestanstevna 2019
96749
Leygardag 13. juli
Video: 5mf gentur, vestanstevna 2019
96747