Enn ein spreinging í Sri Lanka í dag

22.04.2019 - 15:34
AktueltÚtheimurin
Enn ein spreinging í Sri Lanka í dag
Enn ein spreinging var í dag í høvuðsstaðnum í Sri Lanka, Colombo, tá ið løgreglan royndi at taka sundur eina bumbu í einum parkeraðum bili
 

Spreingingin í Sri Lanka í dag hendi tætt við eina av teimum trimum kirkjunum, sum vóru fyri álopi í gjár. Løgreglufólk royndu at taka sundur bumbuna, tá ið hon brast. Tað skrivar Independent.

Enn er ikki vist, um nakar er komin til skaða í dag, ella hvussu stór spreingingin var. Myndugleikarnir hava eisini funnið 87 spreingiperlur tætt við eina bussstøð. 

Tað er eftir øllum at døma víðgongdi muslimski felagsskapurin, National Towheed Jamaath, sum hevur verið staðið fyri yvirgangsatsóknunum.

Hava lýst neyðstøðu

Tað er ein lokalur felagsskapur, men myndugleikarnir í Sri Lanka eru sannførdir um, at National Towheed Jamaath hevur fingið stuðul frá einum altjóða netverki.

Forsetin í Sri Lanka hevur lýst neyðstøðu í landinum, sum byrjar á midnátt í kvøld. Neyðstøðan hevur millum annað við sær, at løgreglan og hervaldið kunnu handtaka og avhoyra fólk uttan rættarúrskurð.

Eisini er útgongubann á Sri Lanka eftir klokkan 20:00 í kvøld, sambært Reuters.

 
Nýggjastu sendingar í ÚV
Hósdag 4. juni
Breddin
109740
Hósdag 4. juni
Kvørnin: "Illusions", Heiðrik
109739
Hósdag 4. juni
Nón 4. juni - á Norðoyastevnu
109738
Hósdag 4. juni
Mono: Disco (4:5)
109723
Nýggjastu sendingar í SV
Mánadag 1. juni
Andakt við Emil Olsen, presti
109624
Mánadag 1. juni
Guðstænasta úr Fuglafjarða kirkju
109572
Sunnudag 31. mai
Andakt við Emil Olsen, presti
109555
Sunnudag 31. mai
Guðstænasta úr Glyvra kirkju.
109558