Borgarstjóri ávarar samgonguna móti tingmanni

23.04.2019 - 07:48
AktueltPolitikkur
Borgarstjóri ávarar samgonguna móti tingmanni
Uppskotið hjá uttanflokkatingmanni Magna Laksáfoss um at liberalisera el-marknaðin er blóðskeivt, heldur borgarstjórin í Runavíkar kommunu
 

Uppskotið hjá Magna Laksáfoss um at leggja elkervið hjá Sev í eitt sjálvstøðugt felag og annars at liberalisera føroyska el-marknaðin, vendir blóðskeivt. Tað heldur borgarstjórin í Runavíkar kommunu, Torbjørn Jacobsen. 
Torbjørn Jacobsen ávarar samgonguna móti einum knæfalli fyri Magna Laksáfoss fyri at tryggja sær hansara stuðul restina av samgonguskeiðnum.

 

Rekord

- Kemur hetta ígjøgnum, er hetta helst politisk rekord, heimsrekord. At ein einasti tingmaður, av 33, í einum heilum landi sleppur at torpedera skipanina, sum hevur skyldu at veita alt ravmagnið í landinum. Ikki so frægt at SEV er spurt eftir, tíansheldur eigarin, sum er kommunurnar í Føroyum, um hvat hesi halda um uppskotið, skrivar borgarstjórin á facebook. 

Uppskotið hjá Magna Laksáfoss um at liberalisera føroyska elmarknaðin liggur í rættarnevndini. Men løgtingið skal í morgin atkvøða um at fáa uppskotið úr nevnd aftur. 
Kommunufelagið og leiðslan í Sev hava boðað rættarnevndini frá, at eitt tílíkt mál eigur at koma frá landsstýrinum og ikki frá einstøkum uttanflokkatingfólki. 

Magni Laksáfoss hevur ikki hug at gera viðmerkingar til uppskotið í løtuni. 

 
Nýggjastu sendingar í ÚV
Sunnudag 26. mai
Meg minnist: Tórbjørn Joensen (1:3)
94672
Leygardag 25. mai
Tá Skagerak sakk
94025
Leygardag 25. mai
Also: At velja kyn er óetiskt!
94891
Leygardag 25. mai
Morgunlestur leygardagur 25. mai 2019
94657
Nýggjastu sendingar í SV
Fríggjadag 24. mai
Sí stroymingina: Borgin - Tjóðveldi
94874
Fríggjadag 24. mai
Andglettur - Sambandsflokkurin
94873
Hósdag 23. mai
Andglettur: Framsókn
94822