Vandi fyri verkfalli

23.04.2019 - 14:45
AktueltVinna
Vandi fyri verkfalli
Flogskipararnir hjá SAS í Norðurlondum hava boðað frá verkfalli fríggjadagin. Ósemja er millum annað um arbeiðstíðirnar
Vandi er fyri, at flogskipararnir hjá SAS fara í verkfall fríggjadagin
 

Skalt tú flúgva við SAS fríggjadagin ella nakrar dagar seinni, so er at fylgja væl við tíðindunum í næstum og kanska fyrireika teg til, at flogtúrurin møguliga verður avlýstur.

Flogskipararnir hjá SAS í Norðurlondum hava boðað frá verkfalli fríggjadagin, eftir at samráðingarnar við felagið slitnaðu fyrst í mánaðinum.

Ósemja um arbeiðstíðirnar

Ósemjan snýr seg millum annað um arbeiðstíðirnar. Meginparturin av flogskiparunum hava ov lítið innlit í og ávirkan á, nær ella hvussu leingi teir skulu arbeiða.

Tað sigur formaðurin í danska flogskiparafelagnum, René Arpe, í tíðindaskrivi.

 – Tað einasta, flogskipararnir oftast vita um sína arbeiðstíð fyri næsta mánaðin er, at teir bara hava frí eitt vikuskiftið. Í ringasta føri kunnu teir verða noyddir at arbeiða sjey vikuskifti á rað. Tað er ikki nøktandi, sigur formaðurin víðari í skrivinum.

Samskiftisleiðari: Einki at óttast

Roynt verður at finna eina semju komandi dagarnar; men eydnast tað ikki, so er vandi fyri, at SAS-flogførini vera standandi á norðurlendsku flogvøllunum.

Tey, ið skulu flúgva við skandinaviska flogfelagnum, SAS, í næstum, hava tó einki at óttast fyri, spyrt tú samskiftisleiðaran hjá SAS.

 – Vit eru altíð fyrireikað í einum flogfelagi, har alt kann henda, sum vit mugu taka hædd fyri. Men vit vænta eina avtala, sigur Mariam Skovfoged, samskiftisleiðari hjá SAS.

 
Nýggjastu sendingar í ÚV
Týsdag 16. juli
Summartímin týsdagin 16. juli
96833
Týsdag 16. juli
Minibarrin 16. juli 2019
96821
Mánadag 15. juli
Summartímin mánadagin 15. juli
96795
Nýggjastu sendingar í SV
Leygardag 13. juli
Video: 5mf kvinnur, vestanstevna 2019
96751
Leygardag 13. juli
Video: 10mf, vestanstevna 2019
96750
Leygardag 13. juli
Video: 8mf, vestanstevna 2019
96749
Leygardag 13. juli
Video: 5mf gentur, vestanstevna 2019
96747