Skotbardagi eftir yvirgangsálopini í Sri Lanka

28.04.2019 - 12:41
AktueltÚtheimurin
Skotbardagi eftir yvirgangsálopini í Sri Lanka
Pápi og tveir brøður mannin, sum er heilin aftan fyri yvirgangsatsóknirnar í Sri Lanka páskadag, eru deyðir í einum skotbardaga við hervaldið. 
 

Hervaldið í Sri Lanka fór fyrradagin inn í eini hús í býnum Kalmunai, váttar løgreglan fyri Reuters í dag.


Tað bleiv skotbardagi, og har doyðu Zainee Hashim, Rilwan Hashim og pápi teirra Mohamed Hashim, sum vóru við í einum sjónbandi, sum var á sosialu miðlunum.


Í sjónbandinum løgdu teir upp til kríggj í móti øllum vantrúgvandi, og eggjaðu sínum fylgjarum til at drepa vantrúgvandi, meðan børn sóust í bakgrundini.


"Vit fara at oyðileggja vantrúgvandi fyri at verja hetta landið, og tískil mugu vit hava jihad", segði Rilwan Hashim. 

15 fólk doyðu


Teir tríggir vóru millum 15 fólk, sum doyðu í skotbardaganum.

Svágurin hjá Hashim brøðrunum, Niyaz Sharif, hevur váttað fyri Reuters, at tað eru Zainee, Rilwan og Mohamed Hashim, sum eru at síggja í sjónbandinum.

Tað er beiggi teirra, Zahran Hashim, sum eftir øllum at døma er oddamaðurin handan yvirgangsálopini í Sri Lanka páskadag, sum kravdu fleiri enn 250 mannalív. 


Myndugleikarnir hava handtikið fleiri enn 100 fólk, har í millum útlendingar úr Sýria og Egyptalandi. Myndugleikarnir eru bangnir fyri, at fleiri sjálvmorðsbumbarar eru í Sri Lanka. 

 
Nýggjastu sendingar í ÚV
Fríggjadag 29. mai
Góðan morgun Føroyar 29.05.2020
109499
Hósdag 28. mai
Breddin
109454
Hósdag 28. mai
Kvørnin: "Modern Era", Teitur
109451
Hósdag 28. mai
Nón 28.mai 2020
109447
Nýggjastu sendingar í SV
Mikudag 27. mai
Úr savninum: Slóðarar 7:7
109459
Mikudag 27. mai
Vit venja við - 2
109392
Mánadag 25. mai
3-2
109292