Órímiligir leiguprísir kunnu setast til viks

05.05.2019 - 10:01
AktueltPengar
Órímiligir leiguprísir kunnu setast til viks
Skjótt fer leigunevndin at hava heimildir at seta til viks ein leiguprís fyri bústaðir, sum tey meta verða órímiligan
 

Ein broyting í leigulógini, sum varð samtykt fyrr í vikuni, ger, at leigunevndin nú kann blanda seg í leiguprísirnar. 

Broyiting sigur, at leigunevndin kann viðgera kærur frá pørtunum um tað leigu, sum partarnir hava sínámillum avtalað, seta til viks eina greitt órímiliga leigu og samstundis áseta aðra leigu.

Tingfólk, sum samtyktu broytingina, søgdu, at hetta var fyri at verja leigarar móti einari ov høgari leigu í eini tíð, tá trýstið á bústaðarmarknaðin er stórt.

Tey, sum atkvøddu móti, vístu á, at hetta var at gera seg inn á marknaðin, og at tað ikki er uppgávan hjá leigunevndini at blanda seg upp í kostnaðin av einum leigumáli, tí tað er marknaðurin, sum ásetir hann.

Bústaðir undrast

Eisini Bústaðir, ið var hoyringspartur, sigur seg undrast á nýggju ásetingina. Bústaðir vísir á, at leigunevndin longu nú hevur heimild eitt nú at viðgera kærur um hækkingar í leigu, men at hetta fer enn longur.

Bústaðir sigur seg óttast, um ótryggleiki fer at stinga seg upp um prísleguna, ið ein kann leiga út fyri, kann tað avmarkað hugin hjá íleggjarinum at gera íløgur í leigubústaðir.

"Um tað ikki er vist, at teir kunnu avtala eina húsaleigu, sum ger at teir fáa dekka sínar útreiðslur og ein ávísan forrenting, so verður íløgan møguliga ikki gjørd", sigur Bústaðir í hoyringarsvarinum.

 

 

 
Nýggjastu sendingar í ÚV
Leygardag 19. oktober
Eru vit í ætt við indianarnar?
99313
Leygardag 19. oktober
Leygardagur 19. Oktober 2019
100065
Leygardag 19. oktober
Morgunlestur leygardagur 19. oktober 2019
99849
Nýggjastu sendingar í SV
Hósdag 17. oktober
Flaggsigling 2019 1:2
100020
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745