HB-KÍ beinleiðis í útvarpinum

07.05.2019 - 13:50
ÍtrótturFótbóltur
HB-KÍ beinleiðis í útvarpinum
Í kvøld spæla HB og KÍ fyrru hálvfinaluna í kappingini um Løgmanssteypið
 

Ein sannur fótbóltsklassikari er á skránni í dag, tá HB og KÍ møtast í Gundadali.

KÍ hevur verið sera sannførandi higartil í ár, og er eisini oddalið í landskappingini við tjúgu stigum.

HB hevur hinvegin bara verið ein skuggi av sær sjálvum samanborið við í fjør, og hevur bara fingið tólv stig í landskappingini.

Liðini møttust í fyrsta umfari í Klaksvík. Tann dysturin endaði við málleysum javnleiki.

Veddingarfyritøkurnar meta undan dystinum, at HB er favorittur. 

Bet365 gevur pengarnar 2.10 ferðir aftur fyri ein HB-sigur, meðan ein KÍ-sigur gevur pengarnar 2.50 ferðir aftur.

Dysturin ímillum HB og KÍ byrjar klokkan 18.00 í kvøld. Útvarpið sigur beinleiðis frá dystinum, byrjað verður aftaná tíðindini.

Av tí at talan er um steypadyst, ber eisini til at síggja hæddarpunkt frá dystinum á kvf.fo seinni í kvøld.

Hin hálvfinalan verður ímillum Skála og Víking í annaðkvøld klokkan 18.00. Útvarpið sigur eisini beinleiðis frá tí dystinum.

Hæddarpunkt frá dystinum á Skála koma eisini á kvf.fo

 
Nýggjastu sendingar í ÚV
Hósdag 22. august
Tingið: Framsókn
97928
Hósdag 22. august
Lívsleiðsskiftið (8:8)
96429
Hósdag 22. august
Morguntingið: Hallur, Turið og Bjartur
97922
Mikudag 21. august
Summartímin mikudagin 21. august
97918
Nýggjastu sendingar í SV
Hósdag 22. august
Andglettur - Framsókn
97938
Týsdag 20. august
Andglettur - Framtakið
97851
Mánadag 19. august
Andglettur - Miðflokkurin
97805
Fríggjadag 16. august
Andglettur - Sambandsflokkurin
97745