Avgjald á flogferðaseðlar

14.05.2019 - 08:33
AktueltUmhvørvi
Avgjald á flogferðaseðlar
Tað skal verða dýrari at ferðast við flogfari, sigur danska veðurlagsráðið
 

 Flogferðir eru ein vaksandi trupulleiki, tá ið ræður um veðurlagið. Trupulleikin er vaksin 50 prosent síðani 1990, og hann verður uppaftur størri, tá vit nærkast 2050.

Tað sigur formaðurin í veðurlagsráðnum, Peter Møllgaard, við DR . Hann skjýtur upp, at eitt CO2-avgjald verður lagt á flogferðaseðlar.

Vøksturin mettur til tvey prosentstig um árið

Vit eiga at leggja avgjald á CO2, sum verður brent í atmosferuni, tá vit flúgva. Vit eiga at gjalda prisin, sum tað kostar at dálka við CO2, sigur Peter Møllgaard. 

Altjóða loftferðslustovnurin IATA hevur mett, at flogferðslan í Evropa fer at vaksa tvey prosentstig um árið hetta til 2037.

Heldur henda forsøgnin, fara danskar floghavnir at avgreiða umleið 50 milliónir ferðafólk í 2037, og heldur gongdin fram, verður talan um 67 milliónir ferðafólk í 2050.

Skjóta upp eitt felags avgjald

Formaðurin í danska veðurlagsráðnum vísir á, at danskir politikarar hava aftrað seg við at viðgera henda spurningin, tí loftferðsla er eitt altjóða mál. Hann heldur, at byrjast kann á norðurlendskum ella evropeiskum stigi.

 Bæði Noreg og Svøríki er undan okkum, og Belgia og Holland hava skotið upp at hava eitt felags avgjald í ES. Danmark kann sum eina byrjan taka undir við hesum tiltøkum, sigur Peter Møllgaard.

Í evropeisku londunum, har avgjald er lagt á ferðaseðlar, er gjaldið millum 10 og 700 krónur. Tað veldst um, hvussu langur flogteinurin er.

 

Sí eisini

Nýggjastu sendingar í ÚV
Hósdag 23. mai
Nón - 23.05.19
94813
Hósdag 23. mai
Góðan morgun Føroyar 23. mai 2019
94803
Hósdag 23. mai
Jazzofonin: Alex Riel, 2. partur
94775
Hósdag 23. mai
Morgunlestur hósdagur 23. mai 2019
94655
Mikudag 22. mai
Nón - 22.05.19
94793
Nýggjastu sendingar í SV
Mikudag 22. mai
Minnist tú enn? (11:13)
23373
Mánadag 20. mai
3-2
94700
Sunnudag 19. mai
Andakt við Pól í Skorini
94638
Sunnudag 19. mai
Guðstænasta í Sjóvar kirkju
94640