KÍ er ájavnt metið fyri flest stig

14.05.2019 - 08:20
ÍtrótturFótbóltur
KÍ er ájavnt metið fyri flest stig
Einki felag hevur nakrantíð fingið meira enn 23 stig fyri fyrsta triðingin í landskappingini
 

Oddaliðið, KÍ, vann í gjár sjeynda sigurin á rað, tá teir vitjaðu Skála.

KÍ vann 1-0 við máli frá Jákupi B. Andreasen, men sigurin var meira sannførandi enn so, tí gestirnir høvdu møguleikar til nógv fleiri mál og brendu eisini eitt brotsspark.

Sigurin tekur KÍ upp á 23 stig, og tað er ájavnt metið fyri flest stig fyri níggju dystir í landskappingini.

Trý feløg hava fyrr fingið 23 stig fyri níggju teir fyrstu dystirnar. Tey endaðu øll við at blíva føroyameistari.

Í 2008 hevði EB/Streymur 23 stig fyri fyrsta triðingin. Teir endaðu tá kappingina ovast við 55 stigum.

Í 2013 var tað HB, sum vann sær 23 stig fyri fyrstu níggju dystirnar. HB vann tá FM við tilsamans 54 stigum.

Síðst eitt felag hevði 23 stig fyri fyrsta triðingin var í 2014. B36 endaði tá eisini við at blíva føroyameistari. Teir vunnu kappingina við 61 stigum.

KÍ hevur ongantíð áður havt so nógv stig fyri níggju dystir. Í 2017 og í 2018 hevði KÍ 19 stig fyri níggju dystir, sum er tað mesta.

Í fjør setti HB met fyri flest stig nakrantíð, tá kappingin var liðug. HB endaði ovast við 73 stigum. HB vann sær 22 stig í fyrsta triðinginum í fjør.

Í tíggjunda umfari spælir oddaliðið, KÍ, ímóti HB í Gundadali.

Støðan:

1.KÍ 23 stig
2.NSÍ 19 stig
3.B36 18 stig
4.Víkingur 17 stig
5.Skála 15 stig
6.HB 15 stig
7.TB 8 stig
8.EB/Streymur 7 stig
9.ÍF 4 stig
10.AB 3 stig

Tíggjunda umfar

Fríggjadagin ÍF-Víkingur
Fríggjadagin Skála-B36
Sunnudagin AB-TB
Sunnudagin HB-KÍ
Sunnudagin EB/Streymur-NSÍ

 

 
Nýggjastu sendingar í ÚV
Hósdag 22. august
Tingið: Framsókn
97928
Hósdag 22. august
Lívsleiðsskiftið (8:8)
96429
Hósdag 22. august
Morguntingið: Hallur, Turið og Bjartur
97922
Mikudag 21. august
Summartímin mikudagin 21. august
97918
Nýggjastu sendingar í SV
Hósdag 22. august
Andglettur - Framsókn
97938
Týsdag 20. august
Andglettur - Framtakið
97851
Mánadag 19. august
Andglettur - Miðflokkurin
97805
Fríggjadag 16. august
Andglettur - Sambandsflokkurin
97745