Lýst leyst av nýggjum

14.05.2019 - 13:18
AktueltSamfelag
Lýst leyst av nýggjum
Bara tríggjar umsóknir til starvið sum rektari á Fróðskaparsetrinum komu inn
 

Starvið sum rektari á Fróðskaparsetrinum verður nú lýst leyst av nýggjum. Tá freistin var úti, vóru tríggjar umsóknir komnar. 

Ein varð ikki mett at lúka grundleggjandi krøv til slíkar umsóknir, og stýrið fyri Fróðskaparsetrið hevur eftir tilmæli frá setanarbólkinum gjørt av at lýsa starvið leyst av nýggjum, so fleiri fáa høvi at søkja.

Starvslýsingin er eisini dagførd, millum annað grundað á viðmerkingar, ið komu til fyrru lýsingina. 

Krav um granskingarførleikar slept

Minni dentur verður lagdur á kravið um fyrisitingarligar og málsligar førleikar, og tað er ikki eitt krav, at nýggi rektarin skal hava granskingarførleikar.

Fremsta uppgávan verður at standa fyri leiðsluni á Fróðskaparsetrinum og tryggja, at stovnurin veitir samfelagnum gransking og útbúgving á altjóða stigi.

Rektarin skal hava góða akademiska bakgrund og evni at skapa undirtøku bæði innanhýsis og uttanhýsis.

Starvið er áramálssett

Samstarv við granskingarstovnar, útbúgvingarstovnar, myndugleikar og vinnulív bæði í Føroyum og uttanlands verður raðfest høgt.

Í løtuni eru 24 útbúgvingar á Fróðskaparsetrinum, og har ganga 1.000 lesandi. 144 starvsfólk eru á Setrinum. 

Umsóknarfreistin er 28. mai. Nýggi rektarin byrjar í starvinum 1. september, og starvstíðin er fimm ár.

 
Nýggjastu sendingar í ÚV
Mánadag 20. mai
Morgunlestur mánadagur 20. mai 2019
94646
Sunnudag 19. mai
Guðstænasta í Vágs kirkju
94633
Leygardag 18. mai
Tá Saddam fór um mark
94010
Leygardag 18. mai
Tosa við foreldrini um tað
94625
Nýggjastu sendingar í SV
Sunnudag 19. mai
Andakt við Pól í Skorini
94638
Sunnudag 19. mai
Guðstænasta úr Sjóvar kirkju
94640
Fríggjadag 17. mai
Andakt við Bergtóri Hjelm Bjarkhamar
94619
Fríggjadag 17. mai
Guðstænasta úr Havnar kirkju
94615