Vatnorkan gagnnýtast betri

14.05.2019 - 10:16
AktueltUmhvørvi
Vatnorkan gagnnýtast betri
SEV ætlar at víðka upplandið við Vatnsnesvatn í Hovsdali, so vatnorkan kann gagnnýtast meira
Mynd: © Loftmynd: kortal.fo  
 

SEV ætlar at víðka upplandið við Vatnsnesvatn í Hovsdali. Fyri at gagnnýta vatnorkuna meira, er kannað, um tað ber til at leiða meiri vatn í Vatnsnesvatn. 

Í hesum sambandi hevur SEV gjørt eina meting um, hvørji árin ætlanin kann fáa á umhvørvið, skrivar Umhvørvisstovan á heimasíðuni.

Støðukanningar gjørdar í fjør

Kanningarnar vísa, at tað ber til at leiða eitt øki norðanfyri og eitt øki sunnanfyri til Vatnsnesvatn, sigur Umhvørvisstovan.

Støðukanningar vórðu gjørdar av fugla-, plantu- og skordýralívi á økinum á sumri í fjør. Kanningarnar vístu, at fuglur, ið reiðraðist í økjunum, var vanligur heiðafuglur.

Eisini vístu kanningarnar, at plantur í økinum vóru vanligar. Skordýr vóru eisini vanlig, tó var eitt skordýraslag í øðrum økinum, ið ikki er vanligt at síggja.

Árinsmetingin almenn

Væntandi verða økini niðan fyri veitirnar turrari, og tí fara planturnar har væntandi at broytast til fleiri turrlendisplantur og færri vátlendisplantur. 

Eisini kann væntast, at skordýralívið verður tillagað, har meiri verður av graslendisklukkum og minni av vátlendisklukkum, sigur Umhvørvisstovan.

Árinsmetingin er almenn. Almenningurin, áhugafeløg og myndugleikar hava møguleika til at gera viðmerkingar til umhvørvisárinsmetingina. Hoyringarfreistin er týsdagin 11. juni.

 
Nýggjastu sendingar í ÚV
Hósdag 23. mai
Nón - 23.05.19
94813
Hósdag 23. mai
Góðan morgun Føroyar 23. mai 2019
94803
Hósdag 23. mai
Jazzofonin: Alex Riel, 2. partur
94775
Hósdag 23. mai
Morgunlestur hósdagur 23. mai 2019
94655
Mikudag 22. mai
Nón - 22.05.19
94793
Nýggjastu sendingar í SV
Mikudag 22. mai
Minnist tú enn? (11:13)
23373
Mánadag 20. mai
3-2
94700
Sunnudag 19. mai
Andakt við Pól í Skorini
94638
Sunnudag 19. mai
Guðstænasta í Sjóvar kirkju
94640