Venesuela: Noreg roynir semju

18.05.2019 - 10:47
AktueltÚtheimurin
Venesuela: Noreg roynir semju
Umboð fyri stjórnina og andstøðuna í landinum hava verið í Oslo til semingsroynd
 

Samráðingarnar millum stjórnina og andstøðuna í Venesuela, sum hava verið í Noregi hesa vikuna, eru ein roynd at fáa frið í lag, sigur forsetin í Venesuela, Nicolas Maduro.

Norska uttanríkisráðið, sum hevur drúgvar royndir at royna semju í altjóða kreppum, upplýsti í gjár, at samráðingarnar eru á kanningarstigi, sum tikið verður til.

Samráðingarnar eru tekin um eina nýggja tilgongd í kreppuni í Venesuela, har støðan hevur verið sera spent millum stjórnina og andstøðuna í fleiri mánaðir.

Tingaðust við semingsmenn hvør sær

Á fundinum í Oslo vóru bæði umboð fyri andstøðuna og ráðgevarar hjá Juan Guaidó, sum hevur tilnevnt seg sjálvan fyribilsforseta í Venesuela, og umboð fyri stjórnina hjá Maduro.

Partarnir høvdu fund við norsku semingsmenninar hvør sær, men eingin beinleiðis fundur var millum stríðandi partarnar.

Maduro, forseti, sigur, at umboð fyri stjórnina fóru til Noregs í eini roynd at kanna møguleikarnar fyri samskifti við andstøðuna, og at fáa frið í lag.
 

 
Nýggjastu sendingar í ÚV
Hósdag 4. juni
Mono - Disco (4:5)
109723
Mikudag 3. juni
Breddin
109678
Mikudag 3. juni
Nón 3. juni 2020
109675
Nýggjastu sendingar í SV
Mánadag 1. juni
Andakt við Emil Olsen, presti
109624
Mánadag 1. juni
Guðstænasta úr Fuglafjarða kirkju
109572
Sunnudag 31. mai
Andakt við Emil Olsen, presti
109555
Sunnudag 31. mai
Guðstænasta úr Glyvra kirkju.
109558