Mistak at veðurlagspolitikkurin gjørdist almennur

20.05.2019 - 12:03
AktueltTøkni
Mistak at veðurlagspolitikkurin gjørdist almennur
Tað var eitt mistak, at uppskotið um veðurlagspolitikk gjørdist alment nú
Veðurlagspolitikkurin er ikki liðugur enn
 

Uppskotið kom á onkra heimasíðu, men tað var ikki ætlanin, tí uppskotið er ikki liðugt enn, frættist úr Heilsu- og innlendismálaráðnum.

Um ársskiftið setti Sirið Stenberg, landsstýriskvinna, ein arbeiðsbólk at gera uppskot um endurskoðaðan veðurlagspolitikk.

Arbeiðsbólkurin hevur nú gjørt eitt ávegis uppskot, sum er sent áhugapørtum til ummælis. Freistin at gera viðmerkingar um uppskotið er 31. mai.

Tá viðmerkingarnar hjá áhugapørtunum eru viðgjørdar, verður uppskotið latið landsstýriskvinnuni. Síðani verður endurskoðaði veðurlagspolitikkurin viðgjørdur politiskt.

Áhugapartarnir fyrst

Áhugapartarnir eru millum annað Vinnuhúsið, Reiðarafelagið, SEV, Ringrás, Náttúru- og umhvørvisfelagið og politisku ungdómsfeløgini.

Í ávegis uppskotinum um veðurlagspolitikk verður ásannað, at vit røkka ikki málinum í galdandi veðurlagspolitikki, sum kom í 2009.

Løgtingið samtykti einmælt í 2009, at Føroyar frá 2010 til 2020 skuldu minka útlátið í minsta lagi 20 prosent samanborið við útlátið, sum var í 2005.

Men nú er staðfest, at útlátið er níggju prosent størri enn tað var í 2005. Føroyar hava eisini bundið seg til at halda avtaluna um verðurlagspolitikk, sum varð gjørd í París í 2015.

 
Nýggjastu sendingar í ÚV
Týsdag 14. juli
Nón 14. juli 2020
111378
Týsdag 14. juli
KÍ flongdir á Tórsvølli
111372
Týsdag 14. juli
Góðan morgun Føroyar 14.07.2020
111342
Mánadag 13. juli
Umhvørvið og eg - endurnýtsla
111343
Nýggjastu sendingar í SV
Týsdag 14. juli
3-2
111388
Leygardag 11. juli
Video: 5mf dreingir, Fjarðastevna 2020
111287
Leygardag 11. juli
Video: 5mf kvinnur, Fjarðastevna 2020
111285
Leygardag 11. juli
Video: 10mf, Fjarðastevna 2020
111283