Noyðist at raðfesta men vil hava fleiri virkisøki

20.05.2019 - 12:45
AktueltUmhvørvi
Noyðist at raðfesta men vil hava fleiri virkisøki
Hóast virkisøkið hjá Arbeiðs- og brunaeftirlitinum er so stórt, at neyðugt er at raðfesta ávís øki, kann stovnurin víðkast, sigur stjórin
Arbeiðseftirlitið byrjaði í 1975.
 

Hóast virkisøkið hjá Arbeiðs- og brunaeftirlitinum er so stórt, at neyðugt er at raðfesta ávís øki fyri at fáa tøku orkuna at røkka so langt sum gjørligt, heldur Leivur Persson, stjórin, at við skilvísi kann virksemið hjá Arbeiðs- og brunaeftirlitinum saktans víðkast enn meira. Eisini við at fleiri virkisøki verða løgd til stovnin at umsita.

Tað sigur hann í ársritinum fyri tvey tey fyrstu árini hjá stovninum.

Í mai í 2017 vórðu Arbeiðseftirlitið og Brunaeftirlitið løgd saman í ein stovn. 

Tað byrjaði við fíggjarlógini fyri 2017, tá játtanin hjá Brunaeftirlitinum varð flutt undir høvuðskontuna hjá Arbeiðseftirlitinum.

Samanleggingin varð veruleiki, tá løgtingið samtykti at broyta arbeiðsumhvørvis-lógina soleiðis, at báðir eftirlitsmyndugleikarnir kundu leggjast saman.

Broytingin varð samtykt í løgtinginum við 28 atkvøðum fyri og ongari ímóti, so talan var um eina samanlegging við greiðum politiskum stuðli, skrivar Leivur Persson í ársritinum.

Nógv øki

Arbeiðs- og brunaeftirlitið umsitur nógv virkisøki. T.d. arbeiðsumhvørvi, brunatrygd, spreingievni, mát og vekt og kavaravinnu.

Ein avgerandi fortreyt fyri, at Arbeiðs- og brunaeftirlitið áhaldandi er ein vælvirkandi og arbeiðsførur myndugleiki, er tann, at stovnurin hevur eina tíðarhóskandi fígging. 

Sáttmálabundnar lønarhækkingar kosta til dømis stovninum 180.000 kr. í ár, stendur í ársritinum.

Í fíggjarlógini fyri 2019 eru seks milliónir og 838.000 kr. til Arbeiðs- og brunaeftirlitið. Játtanin er 249.000 kr. størri enn í fjør sambært fíggjarlógini, og 68 milliónir størri sambært stovninum sjálvum.

Roknað er við bæði størri útreiðslum og størri inntøkum í ár enn í fjør. 

 
Nýggjastu sendingar í ÚV
Týsdag 11. august
Tá makrelurin broytti Føroyar (2:6)
112157
Týsdag 11. august
Summartímin 11. august
112208
Týsdag 11. august
Góðan morgun Føroyar 11.08.2020
112186
Mánadag 10. august
Umhvørvið og eg - matoyðsl
111632
Nýggjastu sendingar í SV
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809
Mikudag 29. juli
Tingið verður sett
111807