Ferðafólk fiska og taka fiskin við sær av landinum

Ferðafólk fiska og taka fiskin við sær av landinum
Ein nýggjur táttur í fiskiskapi við Føroyar er komin undan kavi í spurningi til landsstýrismannin í fiskivinnumálum
Kári P. Højgaard spyr um fiskiskap hjá ferðafólki
 
29.05.2019 - 12:14

Kári P. Højgaard, løgtingsmaður, spyr Høgna Hoydal um fiskiskap hjá útlendskum ferðafólki.

Løgtingsmaðurin spyr millum annað, um fiskiloyvi verður kravt frá útlendingum, tá teir fiska ella rógva út í Føroyum.

Hann spyr eisini, um fiskiskapurin hjá útlendingum verður skrásettur, so hann er við í hagtølunum um fiskiskap í føroyskum sjógvi.

Útlendingar rógva út

Kári P. Højgaard sigur, at hann í fjør heyst gjørdi landsstýrismannin í fiskivinnumálum varugan við, at hann hevði fingið at vita frá einum suðuroyingi, at útlendingar leigaðu sær bát at rógva út avmarkað tíðarskeið. 

Teir vóru væl útgjørdir, arbeiddu fiskin sjálvir og høvdu fiskin við sær av landinum. Hetta endurtekur seg í ár, sigur Kári P. Højgaard og vísir til grein á Vágaportalinum.

Tá útlendingar koma higar við reiðskapi og frystiútgerð og royna í nógvar dagar, má talan vera um vinnuliga veiðu, sigur Kári P. Højgaard. Hann leggur afturat, at er talan um ólógliga veiðu, má hon steðgast.

Er kopiera
Nýggjastu sendingar í ÚV
Nýggjastu sendingar í SV
Hósdag 28. mars
Guðstænasta úr Kollafjarðar kirkju
172938
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652