Donald Trump heldur Boris Johnson vera tann besta

02.06.2019 - 11:00
AktueltÚtheimurin
Donald Trump heldur Boris Johnson vera tann besta
Amerikanski forsetin sigur enskum blaði hvønn hann heldur vera besta avloysaran fyri Theresu May.
Donald Trump og Theresa May
 

Diplomatiskar siðvenjir leggur amerikanski forsetin einki í, sum t.d. at lata vera við at gera viðmerkingar um innanhýsis politisk viðurskifti í øðrum londum - serliga tá talan er um sameind í NATO.

Donald Trump er á veg til Bretlands á almenna vitjan, og hevur undan vitjanini sagt við bretska blaðið The Sun, at parlamentslimurin Boris Johnson hevði verið ein góður formaður fyri Konservativa flokkin og forsætisráðharri í Bretlandi.

Sjálvur hevur Boris Johnson onga viðmerking gjørt til orð amerikanska forsetans, men bretsku miðlarnir eru á tremur við viðmerkingum um tað óvanliga, at amerikanski forsetin á hendan hátt leggur seg út í, hvør hann heldur eigur at avloysa Theresa May í Downing Street 10.

Fara ikki til døgurða hjá drotningini

Donald Trump er eisini jaligur, tá hann verður spurdur um Jeremy Hunt, uttanríkisráðharra, men bretska umhvørvisráðharran, Michael Gove heldur amerikanski forsetin lítið um. Orsøkin er, at Michael Gove hevur funnist at amerikanska politikkinum mótvegis Iran.

Bæði amerikanarar og bretar fáa gagn av tí trýsti, sum USA leggur á Iran, sigur Donald Trump. Donald Trump hevur tikið USA burtur úr kjarnorkuavtaluni við Iran, og amerikanskur uttanríkispolitikkur er merktur av teirri áskoðan, at Iran roynir at økja um vald sítt í Miðeystri.

Andsstøðuleiðarin í bretska Undirhúsinum og formaður fyri Arbeiðaraflokkin, Jeremy Corbyn, finst at Donald Trump og sigur hann blanda seg upp í fólkaræði í einum øðrum landi.

Hvørki Jeremy Corbin ella formenninir í Liberal-demokratiska flokkinum og Skotska tjóðskaparflokkinum SNP ætla sær til døgurðan hjá bretsku drotningini fyri amerikanska forsetanum.

 

 

Sí eisini

Nýggjastu sendingar í ÚV
Hósdag 23. januar
Breddin
103802
Hósdag 23. januar
Nón 23. januar 2020
103798
Hósdag 23. januar
Tríggir popparar hittast (3:3)
103794
Hósdag 23. januar
Kjakaríið: Katrin, Allan og Elsa
103795
Nýggjastu sendingar í SV
Hósdag 23. januar
Ikki illa meint
103763
Mikudag 22. januar
25 minuttir: Tim Birkhead
103726
Mánadag 20. januar
3-2
103616
Sunnudag 19. januar
Møti úr Nerija á Skála
103557