Nógv náttarlív men hampiliga friðarligt

02.06.2019 - 09:35
Aktuelt112
Nógv náttarlív men hampiliga friðarligt
Húsaófriður var, og fólk fingu ikki náttarfrið
Mynd: © savnsmynd  
 

Nógv fólk hava verið í býnum bæði í Klaksvík og í Havn. 

Í Klaksvík var bæði Royal Run og Norðoyarstevna, meðan í Havn vóru tað serliga fótbóltsfjepparar, ið settu sín dám á býin, nú Champions League finalan varð spæld í gjárkvøldið. Hana vann Liverpool 2-0 móti Tottenham.

Av Politistøðini verður sagt, at løgreglufólk hava verið út og gingið millum fólk, og tað hevur fyribyrgt fleiri illstøðum, sum skjótt kundu endað sum harðskapsmál, í bæði Klaksvík og Havn. 

Politiið hevur eisini í fleiri førum verið úti og tosað partarnar til sættis har húsaófriður var bæði í Havn og Klaksvík.

Endaði hjá læknanum

Í Fuglafirði endaði ein persónur hjá læknanum eftir húsaófrið, og viðkomandi skuldi siga løgregluni frá, um hann meldaði málið. 

Í einum førum hava grannar hjá einum skeinkistaði í Havn klagað um ov nógvan larm. Tað vísti seg, at bæði vindeygu og hurðar stóðu opin. 

Og so er ein útlendingur tikin fyri at koyra ávirkaður í Havn. Løgreglan hevur enn ikki endaliga staðfest, hvør maðurin er, so hann situr enn í varðhaldi.

 
Nýggjastu sendingar í ÚV
Mánadag 14. oktober
Góðan morgun Føroyar 141019
99848
Mánadag 14. oktober
Minnismyndir: Hans Holm (1:3)
99841
Mánadag 14. oktober
Morgunlestur mánadagur 14. oktober 2019
99760
Sunnudag 13. oktober
Guðstænasta í Miðvágs kirkju
99822
Nýggjastu sendingar í SV
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745
Mikudag 9. oktober
Fótbóltur: Føroyar - Norra (kvinnur)
99695
Mánadag 7. oktober
3-2
99617