Hesir byrjar inni ímóti Spania

07.06.2019 - 16:39
ÍtrótturFótbóltur
Hesir byrjar inni ímóti Spania
Nú er greitt, hvørjir ellivu byrja inni ímóti Spania í kvøld.
 

Føroyski landsliðsvenjarin, Lars Olsen, hevur kunngjørt, hvørjir ellivu spælarar byrja inni í EM-undankappingardystinum ímóti Spania í kvøld.

Málverji verður Teitur Matras Gestsson.

Gill Sørensen verður á høgra bakki og Viljormur Davidsen verður á vinstra bakki.

Í miðverjuni byrja Odmar Færø og liðskiparin, Atli Gregersen.

Heini Vatnsdal byrar á verjukenda miðvøllinum og frammanfyri hann á sentrala miðvøllinum byrja Hallur Hansson og Brandur Hendriksson Olsen.

Árni Frederiksberg verður á vinstru síðu á miðvøllinum og Sølvi Vatnhamar byrjar á høgru síðu.

Einsamallur framherji verður Klæmint Andrasson Olsen.

Spania hevur ikki kunngjørt sína byrjanaruppstilling enn.

Dysturin ímillum Spania og Føroyar verður á Tórsvølli klokkan trý korter til átta. 

Útvarpið og sjónvarpið senda beinleiðis.

 
Nýggjastu sendingar í ÚV
Leygardag 8. august
Heiðraðir á vegamóti
111547
Leygardag 8. august
Føroyingar álopnir úr luftini (6:6)
111911
Leygardag 8. august
Hetta heilaga Evangeliið 16. august 2020
112092
Nýggjastu sendingar í SV
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809
Mikudag 29. juli
Tingið verður sett
111807