Kæra avgerð hjá kommununi

Kæra avgerð hjá kommununi
Teir tríggir bóndirnir á Sandi, sum ætlaðu at byggja eitt nýtt, stórt felagsfjós, hava kært avgerðina hjá Sands kommunu, at nokta teimum byggiloyvi
 
07.06.2019 - 08:56

Kæran er send Kærustovninum og Kærunevndini í lendismálum, sum í fyrstu atløgu hevur sent kæruna til ummælis hjá Sands kommunu. Tað váttar borgarstjórin, Brandur Sandoy. 

Ein meiriluti í bygdaráðnum atkvøddi fyrr í ár ímóti at geva prinsipielt byggiloyvi til nýggja fjósið á Sandi. Borgarstjórin, sum vanliga umboðar meirilutan í bygdaráðnum, var ikki partur av meirilutanum.  

 >> SÍ EISINI Sleppa ikki at byggja nýtt fjós

Økið er lagt út til landbúnað í byggisamtyktini, tveir virkisbygningar eru longu á økinum, men bygginevndin hjá Sands kommunu metti millum annað, at fjósið fór at liggja ov tætt landsvegnum, ánni oman á sandin og sethúsum á Sandi.

Tí atkvøddi ein meiriluti á bygdaráðsfundi 8. mai ímóti at geva byggiloyvi til nýggja fjósið.

Málið er viðkvæmt, tí Poul Klementsen, bygdaráðslimur og bóndi, er vanliga partur av meirilutanum í bygdaráðnum, men atkvøddi ímóti at geva byggiloyvi til nýggja fjósið.

Teir tríggir, sum hava kært, eru Ottar Hentze, Eynar Martin Kjærbo og Jógvan Olsen. Ætlanin er, at byggja nýtt stórt felagsfjós til umleið 60 mjólkineyt við stórrakstrafyrimunum, har ætlanin eisini er at hava nakað av ferðavinnuvirksemi.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858