Føroyar og Norra spæla í kvøld

10.06.2019 - 10:17
AktueltHeilsa
Føroyar og Norra spæla í kvøld
Aftur í kvøld spæla Føroyar undankappingardyst til EM-endaspælið á Tórsvølli, og í kvøld taka vit ímóti Norra.
 

Tað er í kvøld, at Føroyar og Norra spæla landsdyst í fótbólti á Tórsvølli í undankappingini til EM-endaspælið næsta ár.

Føroyski venjarin, Lars Olsen, váttar, at hann fer at gera einar tvær broytingar á føroyska liðnum í mun til dystin móti Spania fríggjakvøldið. Gitt verður, at Rógvi Baldvinsson loysir av Heina Vatnsdal á miðvøllinum.

Dysturin móti Norra er serligur hjá Rógva Baldvinsson. Hann er uppvaksin í Norra og hevur alla sína fótbóltsuppaling haðani. Hann er kortini føddur í Føroyum og hevur føroysk foreldur. Hann er tí eitt sindur í eini tvístøðu, tí hann kennir seg bæði sum føroying og norðmann.
Rógvi Baldvinsson væntar ein øðrvísi dyst í kvøld enn fríggjakvøldið, men heldur, at vit mugu kortini taka dystin móti Norra í sama álvara sum dystin móti Spania.

Dysturin byrjar klokkan 19.45. Útvarpið byrjar at senda upphiting til dystin klokkan 18.20, og sjónvarpið sendir frá klokkan 19.15. 

 

Sí eisini

Nýggjastu sendingar í ÚV
Nýggjastu sendingar í SV
Mánadag 1. juni
Andakt við Emil Olsen, presti
109624
Mánadag 1. juni
Guðstænasta úr Fuglafjarða kirkju
109572
Sunnudag 31. mai
Andakt við Emil Olsen, presti
109555
Sunnudag 31. mai
Guðstænasta úr Glyvra kirkju.
109558